Page 25 - HOH_Neat

John Fun: Na Mei lo bay entrega e bedtower nobo

Wednesday, 08 March 2017 13:23
Comparti

John Fun ta manager facilitaire bedrijf. Durante un conferencia di prensa cu a tuma luga den e edificio
nobo di hospital, el a splica cu a menciona cu ta den un proceso.

E proyecto aki ta consisti di dos fase. E prome fase tabata e construccion di e edificionan nobo. E otro
fase ta e new bedtower, caminda cu e pashentnan lo bay ta hospedando dentro di poco. Na Mei e edificio
ey mester wordo entrega y awo e reto ta bay cuminsa. Te awo nan ta traha pafo y no ta sinti mucho
molester di otro, pero entrante di un seis siman pa dos luna, e contratista ta bay cuminsa drenta den cas.
Nan ta bay ta trahando den e edificio, caminda cu tin pashentnan drumi. Ta retonan hopi grandi y varios
hende, minister y Theo de Kool a bisa durante e conferencia aki, cu mester percura, cu ta mantene e
molester lo mas abao posibel. Tin cierto sistemanan segun cual contratistanan ta traha specialmente ora
ta traha den hospital, caminda cu ta minimalisa e molester pa e usuario y pashentnan den hospital. Y
sigur lo bay uza e sistema ey pa haci esaki. Fun a sigui splica cu e edificio banda di hospital, ta destina pa
bira un policlinica, caminda cu e specialistanan ta bin mira nan pashentnan, pero door di e renobacion
mester verhuis tur e departamentonan cu mester wordo renoba. Esey ta bay ta e uzo di e edificio banda
pariba di hospital, pa e dos añanan venidero. Lo bay tin hopi departamento administrativo, pero tambe
algun cu ta bay toca e pashentnan mes. Fun no a elabora mucho riba e departamentonan administrativo.

El a menciona nan pa esnan cu mester bin haci nan negoshi of nan cosnan den hospital, pa nan sa, cu e
departamentonan ey lo muda. Directie cu staff lo bay ta den e edificio nobo. Ta bay tin full e
departamento administrativo. E departamento cu ta paga entre otro. Nan ta bay ta den e edificio eynan
tambe. Pero mas importante ta esunnan cu ta concerni e pashentnan. Ta bay tin wondenpoli, cu lo bay ta
un di e departamentonan cu lo bay ta eyden. Hart en long functie y preoperatieve screening. Pre
operatieve screening ta e prome cu ta bay bira operacional y esey ta diabierna awo, nan lo bay habri nan
porta den e edificio nobo. Diamars otro siman, ta bay ta wondenpoli y diabierna otro siman ta bay ta hart
en longfunctie, pa asina tur hende sa cu for di e dianan ey, si ta bin cu un pashent, no mester bay den e
edificio principal, sino mester bay den e edificio nobo. Lo bay tin recepcionista na entrada cu lo yuda e
bishitantenan pa nan haya nan caminda, pero ta bon pa nan sa cu esaki ta bay ta e edificio. Ta creando
facilidad di parkeer pazuid, cual no ta asfalta. No tin dje tanto placa pa esey segun Fun, pero ta
preparando un pida tereno pa e hendenan por ta mas cerca staciona na e edificio pa nan no mester cana
hopi pa asina kom tegemoet cu e pashentnan. SOGA a yuda pa haci e tereno limpi y egalise.

Di parti di hospital lo saca publicacionnan regular pa cada cambio cu lo tin, pasobra tin
departamentonan, manera esunnan ya menciona, manera wondenpoli y long en hart functie, lo no keda
hopi eyden. Manera cu nan facilidadnan, nan ta e promenan cu lo bay verhuis den nan facilidadnan
renoba, dentro di 8 luna pa 1 aña. Pero eseynan lo wordo anuncia gradualmente. Na Mei of Juni lo bay
drenta den e bedtower y ta asumi cu e ora ey si lo bay tin un fiesta grandi pa henter publico por bin wak e
hospital nobo cu ta bay ta berdaderamente un joya. Por wak e facilidad aki. E edificio banda pariba ta un
preview di loke por wordo spera. Ta cana tur diamars den e edificio nobo y e ta bunita, segun Fun. Tin cu
menciona cu e contratista Mericano, nan mes a bisa cu nan ta masha impresiona cu e trabaonan di e
contratistanan local, vooral e afwerking di e plafondnan, loke nan ta yama stuckold. Nan ta bisa cu ni na