Page 8 - HOH_Neat

Hunta di Supervision di hospital ta para pa un servicio di
cinco strea

Thursday, 09 March 2017 08:48
Comparti

Gino Goeloe ta presidente di e hunta di supervision di Dr. Horacio Oduber Hospital. E ta conta di e
desaroyonan y tambe di nan monitoreo pa loke ta hospital. El a splica cu mirando cu nos ta den e 40 aña
di hospital, ta duna pabien na Aruba, na e empleadonan cu ainda ta labora.

Tin empleadonan ainda cu ta trahando na hospital pa 40 aña y mas. Goeloe a sigui splica cu na 2014, e
presidente di hunta di supervision di hospital, unda cu tabata tin diferente reto. Un hospital cu ta den
renobacion, um hospital cu ta den construccion, un hospital cu tin un vision nobo y eynan,
conhuntamente cu raad van bestuur actual y cu henter e staff di hospital, a bin cu un plan di maneho cu
ta bayendo hopi bon. Unda cu den diferente aspecto di cuido, ta hopi enfoca riba calidad di servicio cu a
duna na e clientenan, e pashentnan y eynan ta hincando hopi experto di tanto local como di Hulanda. Tin
diferente profesor cu ta bin Aruba pa yuda den diferente ramo y pa asina aki mehora e servicio di calidad
cu e pashentnan. No ta na unda cu nan kier ta ainda. Nan ta bezig trahando duro. Comunidad ta spera pa
wak cambio inmediatamente, pero cambio den maneho ta dura largo y den e caso aki ta bezig cu JCI, cu
ta un acreditacion mundial. Ta varios aña bezig cu esaki tambe. Tambe ta bezig cu digitalisacion y cu
mundialmente ta necesario. Ta algo cu no por keda atras na Aruba, sin conta e bouw cu ta tumando luga.
Ta hopi punto di cambio tin, pero e ta bay bon. Tin cu bisa cu e ta bay bon cu tur e partnernan, cu SOGA,
cu Minister Schwengle tambe y tambe cu AIB/SOGA, cu tambe ta un partner esencial. Nan ta doño di e
edificio, pero no mester lubida cu ta e empleadonan di hospital y e personal di hospital ta bay traha den
dje. Den e caso aki e edificio mester wordo traha cu acreditacion Europeo, den e caso aki Hulanda, cu
tabata tin discusion cu a tuma luga. Cada discusion cu tin, ta traha pa e solucion. Problema tin tur
caminda, pero ta enfoca mas riba e solucion di e problema, esey segun Goeloe, ta cana smooth.

E edificio actual cu tambe ta un joya di edificio, manera cu tur e personanan a menciona anteriormente,
cu actualmente otro hende ta eyden, pero na 2019, ora cu tur cos ta na su luga, Aruba lo tin un hospital
sigur sigur di cinco strea y e calidad tambe di cinco strea, na e servicio di cinco strea. Esey ta trahando
riba dje actual, pa por yega eynan. E no ta facil, pasobra pa cambia cultura di un maneho ta dura hopi
tempo. Tempo y pasenshi y pasenshi ta algo cu tur tin tiki of hopi y akinan si mester tin een lange adem,
pa por logra locual cu kier pa bo hendenan. Pasobra no tin cu lubida, cu ta haciendo cos pa e pashentnan.
E servicio, e clientenan. Klant is koning, esey ta haci’e pa e servicio cu nos hendenan haya, ta un servicio
di calida halto y hunta di supervision ta para pe pa tin un calidad halto pa e pashentnan, segun Gino
Goeloe.

Gino Goeloe: Pa 2019 nos por conta cu por lo menos un 20
enfermero mas

Thursday, 09 March 2017 08:44