Page 14 - MIN VOS 24 MAART 2016

Nos ta paga pa AZV cu impuesto riba nos

salario y ora nos haci compra: nos merece bon

cuido!

Publication: Wednesday, 23 March 2016. Categoria: General
Opinion publico:
ORANJESTAD (AAN) – Varios yamada di apoyo a drenta ayera na nos mesa di redaccion, pa sostene e
lucha di varios pacient di dr. Mercedes Rivera.
No ta e ta hibando e lucha ta su pacientnan cu ta contento cu su servicio, cu ta stime masha hopi mes
pasobra e ta zorg pa nan salud, mas tanto cu e por!
Pa colmo, segun un dama a comenta, nos ta paga AZV door di nos salario pero tambe cada bez cu nos ta
haci compra den, absolutamente, tur establecimento comercial, anto di con nos no merece un bon
cuido di salud?
Di con Dr. Rivera no por manda tur test cu un pacient mester? Di con e no por prescribi e mihor
remedinan cu un pacient mester pa drecha su salud?
Minister a yega di bisa cu nos Salubridad Publico mester ta uno di cinco strea, pero kitando dr. Rivera
pasobra e ta percura pa su pacientnan, nos no ta yega ni un strea sikiera.
E ta percura pa salud di su pacientnan pasobra e ta conciente cu sin salud ningun hende por bay dilanti,
no por traha, no por prospera den bida, y si neglisha su salud ta di con e por sobrebibi? Facil pa tira falta
riba cada un ciudadano, si el a come di mas, si el a come di menos, si a cana poco si a cana di mas, etc.
Biaha pasa esey e minister kier a mustra, pero no ta asina cos ta y si henter un pueblo ta paga pa un
seguro di malesa general, esaki mester cumpli cu un y tur!
Ta hopi e personanan cu a yama nos pa pidi mas hende, pacientnan di otro docternan tambe, apoya dr.
Rivera. Como internista ta nos tur na dado momento por tin mester di dje. Pues, cu e keda traha ta na
beneficio di henter comunidad! Asina, e pensamento di diferente ciudadano ta!
http://www.diario.aw/2016/03/nos-ta-paga-pa-azv-cu-impuesto-riba-nos-salario-y-ora-nos-haci-
compra-nos-merece-bon-cuido/