Page 32 - MIN VOS 24 MAART 2016

AWEMainta Diahuebs, 24 Maart 2016 33

Club di
Ciclismo San
Fuego ta
ranca sali cu
nan Scol di
Ciclismo

CLUB di Ciclismo San Fuego ta invita tur mucha entre

edad 6 pa 14 aña pa participa na e scol di ciclismo tur
diahuebs y diasabra atardi na veld di SV Arikok na Santa
Cruz.
E orario ta ta di 5:00 pa 6:15 di atardi.

Esaki lo ta un bon oportunidad pa e mucha cu no tin
mucho experencia cu bicicleta y ta desea di practica
ciclismo of ya caba ta practica ciclismo, pero ta desea
di mehora su habilidadnan den ciclismo.
Stap pa stap durante e scol di ciclismo e mucha lo ser
introduci na e deporte.
Bou di guia di un coach certifica y cu añanan di
experiencia e muchanan lo siña habilidadnan manera:
Con pa controla nan bicicleta prome cu nan cuminsa
core, ki ora nan lo mester cambia speed (gear), con pa
balansa nan mes ora nan ta riba nan bicicleta,
ki ora y con nan lo mester sprint, reglanan di siguridad
ora cu nan ta sali core den un grupo of team, cua ta e
puntonan cu nan lo mester tene cuenta cu ne ora nan ta
desea di cumpra un bicicleta, y nutricion di un ciclista
durante y despues di training.

E localidad di entrenamento ta uno hopi safe unda e
mayornan por ta trankil cu e aspectonan di siguridad.
E localidad a ser scogi pensando rib’e miho forma pa
yuda e mucha kita su miedo di core bicicleta y asina
crea confiansa den su mes ora yega e momento cu nan
lo mester sali core den un grupo.

Otro habilidadnan positivo cu e hoben lo mehora
den dj’e ta, e. o. nan forma di concentracion, tambe
nan lo sinti un mehoracion den nan condicion fisico y
naturalmente ciclismo ta un deporte cu ta stimula hopi
e parti di disciplina den un mucha.

Materialnan nesecario pa participa ta un bicicleta den
un bon estado, helm, handschoen y keds.
Si e mucha ta desea di participa y challenge su mes den e
deporte di ciclismo, lo por tuma contacto cu nos club via
e-mail: sfccaruba@gmail.com of agnalado@setarnet.
aw; of tambe cu nos coach, sr. Reinaldo Mackintosh na
telefoon: 297-5935427.