Page 6 - MIN VOS 24 MAART 2016

Servicio di Ambulance ta cla prepara pa e fin di

siman largo di Semana Santa

on: March 23, 2016In: LocalNo Comments
Print Email
E fin di siman largo di Semana Santa cu pa Ambulance ta core for di dia 24 te cu dia 28 di Maart, Servicio
di Ambulance lo bay tin tres ambulance den cada warda. Tambe lo bay tin un rapid responder den dia si
ta necesario. Ta papia aki di 17 pa 18 personal pa dia. Nan tin unidad staciona banda di beach, sino na
nan post cu ta na Imsan, na Wayaca y den Schotlandstraat.
Liberato Hoek, kende ta hefe di e servicio aki, ta pidi cooperacion di publico pa duna personal di
ambulance, cualkier tipo di incidente y accidente e espacio pa nan por haci nan trabao. Tambe ta
importante pa menciona cu na momento di un incidente cu e number di alarma cu ta 911 wordo yama.
Tene cuenta cu e centralista lo puntrabo pa mas informacion cu ta di suma importancia pa ambulance.
Tambe ta importante pa duna splicacion di loke ta pasando y no djis pasobra bo mester di ambulance na
un adres. E centralista na su turno kisas por duna e situacion kico bo por haci prome cu ambulance yega
y tambe e por haci un bon screening kico ta prioridad. Como aviso kier a duna sugerencia na personanan
cu ta bay campa pa percura pa muchanan chikito pa bebe suficiente likido durante dia, particularmente
awa pa evita cu nan ta deshidrata. Tambe ta importante pa uza sunblock pa evita cu nan ta haya
zonnebrand y pa esnan cu ta sufri di malesanan cronico, pa nan tuma nan medicamentonan na tempo,
pa evita cu durante dia of durante periodo nan ta bira malo. Personanan cu ta bay haci uzo di nos
careteranan, uza bo seatbelt y percura pa e muchanan chikito ta den un childseat. Si bo bay bebe
alcohol, percura cu tin un hende pa stuur pabo. Si tin hende cu ta bebe alcohol of otro substancia, bo
reaccion lo ta mas slow. Esaki ta e periodo cu ambulance hopi biaha ta haya mas caso di accidente pa
motibo di hendenan cu a bebe demasiado alcohol of ta bao di influencia di cualkier tipo di substancia.
Tambe ta remarcabel e mandamento di textmessage ora cu personanan ta stuur, Hoek a splica.
http://masnoticia.com/servicio-di-ambulance-ta-cla-prepara-pa-e-fin-di-siman-largo-di-semana-santa/