Page 11 - AWEMAINTA
P. 11
Diahuebs, 16 Januari 2020 AWEMainta 11
Alcohol un problema social serio:
Chauffeur burachi a pasa riba
Paperclip Rotonde y no tabata sa mes
WEL esaki no a pasa rond, pero riba di e rotonde, rancando
borchi y kibrando un tire dilanti banda drechi.
E chauffeur den e Toyota Corolla a sigui su rumbo manera
nada no a pasa, segun a compronde e no tabata sa mes.
Riba tres tire el a sigui zuid riba Watty Vos Boulevard debi
cu 1 tire a kibra y kita completamente for di e riem.
Yegando den area di Cumana sea cu e auto no por a sigui
mas of e mes a para e auto mey-mey caminda.
Aki ta unda cu Polis a bay atende cune y mesora a ripara cu
e ta bou influencia.
Polis a lage supla y el a trata como 3 biaha, pero lamentable-
mente no a logra. Esaki tabata motibo suficiente p’e wordo
deteni.
Chauffeur a wordo hiba Warda y Takelwagen a ser pidi pa
bay cu e auto tambe, mirando cu e no por a keda eynan.
