Page 34 - AWEMAINTA

34 AWEMainta Dialuna, 21 Augustus 2017

Dos Arubiano nomina pa ARUBAANSE Zwembond, AZB, cu hopi honor

posicion den FINA, e Federacion ta anuncia cu 2 persona hopi activo den mundo di
e deportenan acuatico na Aruba a ser eligi como
Mundial di Deporte Acuatico miembro di 2 comite di FINA, e organo mas halto
pa desaroyo, promocion y control di e Deportenan
Acuatico.
Pa AZB esaki ta un desaroyo hopi positivo, tumando
en cuenta cu tin 207 pais miembro di FINA, y pa 2
di nos personanan ta wordo selecta ta indica cu nan
trabou a wordo reconoci.

Esther Croes, a ser eligi pa sirbi den e comishon tec-
nico di landamento sincronisa. Esther, como hoben
tabata un atleta di synchro, y a representa Antiyas
Hulandes na Weganan Olimpico di 1984 na Los
Angeles, California, USA.
Despues di a finaliza su studio na Belgica,,Esther a
regresa Aruba y a continua di ta envolvi cu Synchro
na Aruba.

Esther Croes ta un Huez pa FINA pa mas cu 25 aña
caba, y recientemente Esther a wordo invita pa bay
China pa sirbi como Huez invitado n’e Weganan
Nacional di China.

Esther Croes actualmente ta Secretaria General di
Arubaanse Zwembond, y ta miembro tambe di Com-
ishon Tecnico di Synchro di UANA, cu t’e organo cu
ta encarga cu e deportenan acuatico den e continente
Americano. Como miembro di UANA, Esther ta
envolvi cu e organisacion di e competencianan den
dicho continente. Diadomingo ultimo Esther a biaha
pa Chile, p’e Campeonato Panamericano di Synchro.
Como miembro di Comision Tecnico di FINA,
Esther Croes lo ta envolvi cu tur decisionnan p’e
disciplina, tur cambionan cu lo por bin, como tambe
participacion na tur e competencianan Synchro cu
FINA ta organisa.

Maureen Croes p’e próximo 4 añanan lo sirbi como
miembro di e Media Comité. Maureen tambe a
cuminsa den e deporte di landamento como un
atleta, representando Aruba na varios competencia
den region. Despues di culmina su estudio y estadia
pa algun aña den exterior, Maureen Croes a regresa
Aruba y a fungi hopi aña como coach di e equipo di
landamento competitivo Stingray Swimming Aruba.

Na mes momento, Maureen tabata e Meet Direc-
tor pa tur competencia local. P’e competencianan
internacional cu Aruba a host den pasado, manera
Carifta, CISC y weganan di Reino, Maureen tabata
encarga cu e parti di competencia di landamento. P’e
ultimo añanan, Maureen ta fungi como consehero
tecnico di A.Z B.,como tambe Secretaria General di
CCCAN, e organo encarga cu e deportenan Acuatico
den Caribe y America Central,y tambe Secretaria di
e Comision Tecnico di Masters di UANA.
Luna pasa Maureen Croes tabata na Budapest, Hun-
gria, pa 2 siman durante e Campeonato Mundial di
FINA manehando e oficina di UANA.