Page 16 - KPA

Augustus 08, 2015
www.awemainta.com
noticia@awemainta.com
facebook.com/awemainta
tel: 583-1400

TE KI DIA

ta sigui
permiti
importacion di
autonan RHD?

AUTONAN Right Hand Drive (RHD) ta sigui

permiti di wordo importa. Te ki dia, ta un pregunta,
cu te awor no tin un contesta concreto.
Minister di Husticia, mr. drs. Arthur Dowers algun
luna atras a bin afo manera un tiger di papel y hasta
manera a anuncia cu lo duna un periodo di gracia,
cu Polis lo no tuma accion contra e autonan RHD cu
ta na Aruba caba, pero cu mester pone un stop na
nan importacion.

Pero manera e Gabinete aki a manifesta su mes caba,
cu den Gabinete Eman 2, tin 9 Gobierno den dicho
Gabinete, unda e.o. e propio Prome Minister Mike
Eman a kibra decision di su Minister di Husticia,
Dowers, y a laga sa cu importacion di autonan aki, no
ta competencia di Dowers, pero di Minister encarga
cu Aduana, cu ta mr. Angel Bermudez, kende no a
haci net nada cu esaki.

Te ki dia anto? Te ora cu mas morto cay? No mester
bin cu ningun ley, pero aplica Tratado di Ginebra pa
loke ta regla di auto, cual tratado ta valido pa Aruba
tambe. Nos lo sigui vigila e situacion fastioso aki.
Diahuebs ultimo, tabatin otro cargamento di mas
auto RHD.