Page 32 - KPA

PAGINA 42 Cultura di comportacion denDIARIO
DIASABRA 8 AUGUSTUS 2015

misa haitiano

O R A N J E S TA D ( A A N ) - -
Polis a bay na Hotel 2 Go
den Columbusstraat diahuebs
merdia algo pasa di 1 or como
cu for di e edificio a tende
sonidonan straño.
Aki nan a papia cu e doño cu
a laga sa cu pa mas o menos
dos ora e ta scucha sonidonan
straño for di e edificio banda
di su negoshi.
E sonido tabata parce cu un
persona lo ta maltratando
otro.
Polis a bay na e edificio y
bati porta pero ningun hende
a sali.
Tabata parce cu tabata tin un
persona ta yora paden pero no
por a scucha esaki bon.
Polis a bati mas duro na porta
y a laga sa na bos halto cu ta
trata di polis, pero nan no a
haya contesta.
Despues di a tuma contacto
cu central a yega na decision
pa dal e porta kibra cu scop.
Ora polis a drenta nan a bin
ripara cu den e edificio tabata
tin algo cu parce un misa.
Nan a dicidi di habri porta
di un di e cambernan y a bin
haya dos muher na suela.
Polis a punta nan si tur cos ta
bon y si tin mas hende paden.
E muhernan PD y AA cu ta
naci na Haiti, a declara cu nan
tabata nan so y cu nan tabata
canta mucho duro.
Ta nan cultura pa comporta
nan mes asina den misa. Nan
a puntra polis kico a pasa.
Polis a splica nan cu nan
mester tene cuenta cu tin
bisiña ta biba cerca y cu nan
no mester causa molester cu
boroto asina.

Homber turista di 84
aña a cay riba caminda

ORANJESAD(AAN)-- Na
momento cu patruya tabata
pasando diahuebs anochi
entre Sbarro Pizza y Paseo
Herencia, nan a mira un grupo
di hende riba caminda .
ora a bay controla a resulta cu
un homber di 84 aña di edad a
cay na suela.
Ambulance a yega na e lugar
y e personal a duna e homber
tratamento y a dicidi di hib'e
hospital pa mas tratamento
medico na Eerste hulp.
Esposa di e homber a bay
tambe cune den ambulance.