Page 16 - UTILITIES 16 SEPT 2015

N.V. ELMAR a adapta su apariencia den tur
su sucursalnan

on: Wednesday, September 16, 2015In: LocalNo Comments
Print Email

Cu colornan nobo y briyante, NV Elmar ta demostrando un “look” completamente nobo den tur
su sucursalnan situa den Wilhelminastraat, na Hato y na San Nicolas. E compania ta cambiando
su imagen corporativo, den un esfuerso pa adapta e cultura, enfoca pa brinda mas y miho
servicio, specialmente cu nan vision pa ta mas eficiente posibel.

Den e siguiente lunanan lo sigui cu cambionan den e apariencia interno den e oficinanan di NV
Elmar, manera ya nan a introduci e “Help Desk” caba, pa e temporada druk aki. Di e forma aki
por yuda clientenan asina cu drenta un oficina di NV Elmar, hasta prome cu nan tuma un number
pa por ricibi servicio.

Ademas, ta ahustando y cambiando nan website pa ta mas facil y eficiente pa uza, pa ricibi
informacion y pa tin contacto den forma interactivo cu nos compania nacional di distribucion di
coriente. Mientras cu tabata haciendo cambionan na e website, a facilita clientenan cu
informacion via email, cu tambe a resulta den un forma mas eficiente y rapido pa contesta
cualkier pregunta cu por tin.

N.V. Elmar a bay “live” cu su sistema nobo conoci como e “Customer Information System”
(C.I.S). E lansamento di e sistema a causa algun dia hopi ocupa, pero a splica clientenan
debidamente, kendenan a demostra comprension y pasenshi.

E sistema nobo di servicio na cliente, “Customer Information System” (C.I.S) a drenta operacion
oficial dialuna dia 7 di September 2015. E ta diseña pa brinda miho servicio na e clientenan y
provee un base mas eficiente pa cu tecnologia di informacion pa su operacionnan comercial. Den
su afan pa mehora servicio y eficiencia, N.V. ELMAR a implementa e software nobo y e
hardware pa apoy’e, pa yuda yega na un nivel di servicio di calidad mas halto pa medio di un
solo solucion pa maneha tur proceso cu ta envolve e cliente.

CIS ta ofrece solucion y beneficio tanto pa e clientenan como pa e empleadonan. E ta permiti pa
ofrece clientenan opcionnan adicional pa haci pago y ricibi notificacionnan y provee