Page 2 - AAA
P. 2
22 AWEMainta Diaranson, 4 October 2017
Bubble Soccer: Bin y hunga na Centro di Bario Dakota
SI bo a yega di wak video online di Bubble Soccer y semper a desea
di participa den esaki, esaki ta bo chens.
Centro di Bario y Deporte Dakota lo ta organisando diasabra, 7 di
october pa 4or y mei di atardi te 7or di anochi, wega nan di bubble
soccer.
Bin cu bo grupo, team y crew p’e competencia cuminsa. Inscripcion
ta totalmente gratis. Por haci esaki via e Facebook di Centro di Bario
y Deporte Dakota; djies manda nos un mensahe cu e nomber di e
grupo y cuanto hende lo participa.
Tambe por inscribi na cuminsamento di e evento pa 4or y mei di
atardi. E evento aki ta pa grandi y chikito. Tambe lo bay tin snacks
y juice pa refresca e garganta. Esaki nan lo ta gratis, pero unabes e
caba, el a caba.
Bubble Soccer ta un deporte recreativo cu ta creciendo den populari-
dad rond mundo. Hopi biaha nos por wak esaki online via red nan
social deseando cu anos tambe lo por haña e oportunidad pa participa.
E evento aki ta habri pa publico, y esaki ta bo chens pa participa den
Bubble Soccer. Nos ta sperabo!
Dr. Guaicaipuro Jimenez, Presidente di ARTBO
a despidi di atletanan cu a biaha pa Las Vegas
DIALUNA mainta e 3 rumannan
Klabér a biaha pa Las Vegas pa par-
ticipa n’e President’s Cup cu ta un
campeonato G2.
Jourdé Klabér a bira adulto y a bi-
aha hunto cu su dos rumannan p’e
coach nan. Dr. Guaicaipuro Jimenez,
Presidente di Aruba Taekwondo
Bond “ARTBO” a bay aeropuerto pa
desea e rumannan Klabér tur exito
n’e President’s Cup.
Esaki ta Jourdé Klabér su prome
campeonato di G2 cu e ta bay coach.
Dr. Guaicaipuro Jimenez ta premira
un medaya na Las Vegas.
Jourdé Klabér a bisa e Presidente cu e
biaha aki e team di Train Hard Fight
Smart ta bon prepara pa Las Vegas y
por conta riba dje pa un bon trabou
n’e President’s Cup.
Dr. Guaicaipuro Jimenez a termina
su discurso bisando nan cu Aruba ta
conta riba nan.
