Page 61 - FDLP

Minister Di Deporte, Sr. Dangui Oduber A Felicita Tur

E Deportistanan Arubiano Destacando

Internacionalmente

 Featured

 Politica
- 23/07/2018

Den fin di siman Minister di Deporte, sr. Dangui Oduber a tuma nota di diferente
deportista Arubiano cu a destaca den exterior.

Mikel Schreuders – Silver
Mikel Schreuders ta logra medaya di silver pa Aruba den 100 meter liber den e Weganan
Centro Americano del Caribe 2018 na Baranquilla, Colombia. Cu un tempo marca di
49.17 cual ta haci cu Mikel Schreuders ta clasifica automaticamente p’e Weganan
Panamericano Lima, Peru 2019.
Mikel Schreuders a bira e prome landador di Aruba cu ta gana un medaya p’e deporte
landamento den weganan CAC.

Sarah Quita – 2nd Lugar
Sarah Quita a keda na di dos lugar den e competencia mundial di Wave den e PWA
World Tour na Pozo. Sarah Quita lo sigi prepara su mes p’e competencia di Freestyle na
Fuerteventura caminda e lo bay defende e titulo mundial den windsurfing un biaha mas.

Pony Team Aruba – Campeon
Pony Team Aruba titula campeon di e Pony 8U International Classic 2018 na Mount
Vernon Illinois caminda a gana e team di Mudcats Laurensville, Illinois den final.