Page 18 - AWEMAINTA

18 AWEMainta Diamars, 26 September 2017

“Live performance” Arubiano na Kunstexpo Eindhoven

NA Kunstexpo Eindhoven (www.kunstexpo.eu), un “live
performance” inspira pa Maternidad a yama hopi atencion.
Modelo actriz profesional di Aruba Zuleika Coffie y yiu
Lilian a pose un biaha mas p’e pintor Caribeño profesional
Gustave Nouel (GN www.gustavenouel.exto.nl ).

E “speedpainting performance” inspira pa Maternidad
tabata exitoso y organisador di Kunstexpo Eindhoven a
propone pa ripiti e “performance” aki otro aña.
Ademas lo combina promocion di esaki cu “streetsketch-
ing workshops” di GN, cu nan a gusta hopi tambe, entre e
actividadnan principal di e Kunstexpo 2018.

E serie di pintura intemporal Maternidad di GN lo culmina
den un buki cu ta den proceso.
Un uitgeverij di Volendam lo publica e buki. Zuleika Coffie
tabata modelo pa henter e serie aki, como muhe embarasa
te despues di bira mama di Lilian.
Algun pintura di e serie Maternidad a ser exponi caba den
diferente galeria na Hulanda y tambe durante Aruba Art
Fair (AAF) 2016.

Intencion ta pa presenta e buki Maternidad (den 4 lenga)
na Aruba na un manera efectivo, pa despues e promocion
internacional di e Arubianonan aki por cuminsa. Un team
dinamico na Aruba ta preparando e prome presentacion.