Page 45 - KPA SEPT 11, 2015

Buskeda grandi na Paradera debi na atraco violento riba un dama di edad
Publication: Friday, 11 September 2015. Categoria: Policial

ORANJESTAD (AAN): Diahuebs atardi na un cas na Paradera, net den area di e Veterinario, un poco
panort di e Mall nobo riba caminda grandi, un dama di edad a keda sorprendi pa 3 hende homber di
habla hispano, cu a presenta na e cas.
E hombernan desconoci, papiando cu un accento Venezolano, cu arma di candela den man, a
cuminza pidi y exigi pa placa. Asina nan a drenta e cas busca pertenencia pa bay cune. Tur
esaki lagando e dama den spanto.
Despues di a haci loke nan tabata kier, e sospechosonan a bandona e lugar na pia y core bay,
pero keto bay den desacuerdo ta ‘ki direccion’ nan lo tuma.
Mesora alarma a ser bati na autoridad, y un monton di unidad Policial a yega basta den e area, pa
busca e sospechoso.
Pero esey a socede, sin ningun resultado. Unidadnan di brommer, Polisnan cu cacho, tur esey a
keda busca rond den area di Paradera, Casibari, Piedra Plat, yega te banda di Santana. Pero no a
mira nada. Autoridad a keda busca te pasa di 6’or di atardi.
Atraco team a presenta na e cas pa asina busca mas informacion y haci investigacion. Y tambe
pa calma e pober dama cu a keda tur na spanto.
http://www.diario.aw/2015/09/buskeda-grandi-na-paradera-debi-na-atraco-violento-riba-un-dama-di-
edad/