Page 37 - MIN VOS

Minister Whiteman (Salubridad publico) y ehecutivonan mas halto bao di dje, a lansa un advertencia basta cla riba e
sangura asesino, manera cu e Hulandesnan ta yama killermug, pero parce cu esaki ta pa aire. Ni seis luna pasa,
prome cu e epidemia actual, na fin di 2012, como tambe na 2013, e entomologo Gisette Seferina a adverti riba e
virus aki.

“Mi a boga pa prevencion. Nos mester a laga fumiga e isla, pa asina eradica e sangura di Aedes Aegypti,” Seferina a
bisa. “Fuera di esey tabata tin mester di campañanan den varios idioma necesario, pa asina cu tur hende ta na altura:
bo no mester laga bo mes wordo pica pa e sangura.”
Keintura

E unico experto riba insecto den e ministerio di Salubridad, Medio Ambiente y Naturalesa, a wordo nenga. Esaki cu
e consecuencia tristo cu e pueblo di Corsou ta pasando den e epidemia aki caminda 20 mil persona ta sufriendo cu
keintura halto y dolornan di curpa. “Mi ta lanta mainta ta yora di dolor, hasta ora cu mi tin cu habri un pochi di jam,”
un pashent a bisa.

Teamnan di combatimento c uta purba di jaag riba e insectonan aki cu veneno, a wordo suministra te apenas
december ultimo. Mientras cu Chikungunya a medio bira un palabra malo den boca di hende, e malesa mes ta
arasando den e poblacion. Mientras tanto e sanguranan a bira resistente contra e veneno permethrin, veneno cu
gobierno ta suministra e departamento di fumigacion. Tambe parce cu e centro di informacion pa tanto e poblacion
como pa turista, ta un caos. Riba e isla solamente ta aparece e foldernan na papiamento y Hulandes, mientras cu e
versionnan na Ingles ta “casi cla”, segun Sirving Keli, kende ta forma parti di e team di combatimento.
Si a tuma accion mas lihe, por a evita e brote aki, Seferina a splica. “Wak Boneiro, caminda cu si por haya un folder
di mas idioma. Of wak Aruba. Te asina leu, e no ta conta cu ni un shen caso. Di baina turismo ta sufri di e
“killermug.”

Parlamentario Omayra Leeflang no ta kere mas den e cifranan oficial riba e brote, mescos cu tur otro hende.
“Viroloog Izzy Gerstenbluth a bisa cu lo tin mas of menos 75 mil caso. Dos dia despues, durante un debate politico,
e tabata di biaha 20 mil.