Page 28 - HOSPITAAL

Caribe Hulandes y Hulanda a firma

acuerdo riba tereno medico

Posted on 06/25/2018 10:40 am AST | Updated on 06/25/2018 10:40 am AST

ORANJESTAD - E mandatarionan di Aruba, Corsou, St Maarten y Hulanda tawata
presente na un “vierlandenconferentie” recientemente pa yuda sostene otro pa
mehoracion di e calidad di cuido medico. Tambe a haci palabracionnan tocante
programanan di prevencion, colaboracion entre hospitalnan, medicamentonan, cursonan
pa profesionalnan y intercambio di informacion. Di e manera aki e paisnan ta forma
cooperacion mutuo ariba e areanan di biba saludabel, deporte y movecion.

OPTIMALISA CUIDO MEDICO Cuido medico mester ta completamente optimalisa
na momento cu e paisnan caribense den reino Hulandes haya su mes confronta cu un
evento catastrofico manera horcan Irma. Esaki ta importante pa por yuda e victimanan
mas lihe posibel, cu cuido medico di calidad, sin perhudica e cuido medico na pashentnan
existente, cu suficiente medicina den stock y cu personal cu ta wordo entrena
regularmente. Pa por logra esakinan, Aruba, Corsou, Hulanda y Sint Maarten ta bai traha
mas estrecho cu otro. Bou di presidencia di Sint Maarten, e ministerio di Salubridad