Page 35 - HOSPITAAL

Segun Starring ta trata solamente rumornan cu a wordo plama y otro cosnan cu su persona como
director no tin autoridad pa dicidi riba nan. Por ehempel tin empleadonan malcontento cu nan no ta
hayando nan promocionnan, pero esaki ta algo cu no ta den su man. E por manda documento, pero no

ta e ta dicidi riba nan of firma nan finalmente.

Gobierno, cu ta haciendo uzo di su huristanan, a splica Corte cu den e caso aki niun momento tabatin
un medida di schorsing. A base di un cantidad grandi di kehonan cu tin di diferente índole pa e forma

di traha y actua di e director a dicidi pa trece trankilidad den e ambiente di trabou. A priminti e
empleadonan cu ta bay haci un investigacion.

Pa e Minister por permiti un comision haci e investigacion mas miho posibel, a yega na e decision di
prohibi entrada di e director. Nos tin cu bisa cu esaki a wordo splica door di e Minister concerni

ampliamente durante un conferencia di prensa.

Tambe e huristanan a trece dilanti cu e orde maatregel aki ta pa un periodo di seis siman. Y na final

lo dicidi, basa riba resultado di e investigacion, y si e ta cla, kico lo ta e siguiente paso.
E caso aki tabata uno porta cera pa motibo cu ta trata di un “voorlopige voorziening”. Dia 6 di juli
Corte lo tuma of anuncia su decision den e caso aki.