Page 86 - Min VOS June 4 2015

E ex mandatario sinembargo ta keda kere cu e toke humano, cu mester tin tempo suficiente pa
atende y scucha bo pashentnan. “Esey ta laga di desea tin biaha,” el a bisa. Y a agrega cu lo ta
bon pa Gobierno pensa pa incorpora mas dokter den e prome linea di cuido pa yuda atende y
duna atencion suficiente na tur e pashentnan di Aruba.

Gobierno di Aruba algun tempo atras a busca un solucion door di incorpora un sosten extra pa
dokternan di cas, haciendo uzo di enfermeronan cu por brinda e ayudo basico, specialmente na
pashentnan cu malesa cronico.

Den e Health Care Conference Aruba 2015, cu a wordo organisa riba peticion di IPKO
(Interparlamentair Konininkrijk Overleg), ta papia di un cobertura medico universal, pero cu
control di gastonan. Pa logra esaki a bini cu e conferencia aki pa trece e partnernan di Reino
hunto pa yega na un palabracion di coopera riba diferente tereno. Di e forma aki, enbes di manda
pashentnan Colombia cu ta costa miyones di dollar, ta baha e gastonan un poco pero e placa
alabes ta keda den e economia local. Den oranan di atardi e Ministernan di Salud Publico di
Hulanda y otro paisnan di Reino a firma un MOU di cooperacion riba e tereno aki.

http://www.diario.aw/2015/06/health-care-conference-a-finaliza-di-manera-exitoso/