Page 19 - ARUBA BANK

Diabierna, 20 April 2018 AWEMainta 15

Intervencion di Radiologia awor E compleho nobo cu a caba di habri na Hospital

ta conta cu dos kamber pa haci intervencionnan
modernisa den compleho nobo di cual un di nan ta destina pa intervencion di Ra-
diologia. Intervencion di Radiologia tabata existi
caba na Hospital, pero cu e tecnologia sofistica y
un kamber ful renoba aworaki por brinda mas ser-
vicio ainda. E avance aki ta trece cu ne mas opcion
cu antes no tabata posibel na Aruba.

Mijntje van den Oever, kende ta un “Interventie
Radioloog”, ta traha den e kamber di intervencion
unda ta haci uzo di “röntgen straling” y dor di
prik e ader, ta pasa un likido di contrast den e
ader p’asina por mira riba pantaya precies unda e
problema ta. Asina aki nan ta haci uzo di catheter
y waya pa yega n’e problema y resolve via un stent
of balon.
Un ehempel grandi cu hopi biaha ta wordo opera
ta un “slagader” tapa. Dr. van den Oever ta splica
cu un “etalage been” por wordo trata n’e manera
aki. E persona cu tin esaki despues di cana un tiki
mester para un rato p’e spiernan por haya zuur-
stof pa despues por sigui cana.
Hopi biaha esey ta un problema di “slagader” y
por trata esaki cu intervencion di Radiologia. Asi-
na pacientenan por cana bek sin ningun keho.
Otro ehempel ta pacientenan di dialisis cu tin un
“shunt” na nan man cu despues di tempo esaki ta
sera.
Por trata esey dor di pone balon p’asina suficiente
fluho por pasa y asina por dialisa mas facil. “Ora
no haci esey, cu tempo e ader tin “vernauwing”
unda cu e ta bira mas chikito y e shunt ta cera di
cual mester haci un operacion y esey nos kier pre-
veni”, segun dr. van den Oever.
Dr. van den Oever hunto cu su colega dr. Robert
van den Bos, tabata envolucra den e proyecto aki
pa evalua ki material mester pa por practica na un
forma profesional. A percura pa tin e pantaya cor-
ecto, tin e contrast pomp corecto y un aparato di
hala rosea cu den prome instante no a pensa riba
dje. Tambe mester a tene cuenta cu tur specifica-
cion y calificacionnan pa loke t’e “luchtstroom” y
mihor area di sterilisacion.

A premira diferente aspecto y dr. van den Oever
a provee tur punto necesario como un interventie
radioloog pa tin un kamber di intervencion com-
pleto y di ultimo tecnologia. E renobacion di e
kamber di “interventie radiologie” ta un benefi-
cio grandi pa Aruba. Awor por haci proceduranan
dificil cu antes no tabata posibel den e kamber di
intervencion akinan na Aruba mes.
Pacientenan cu tin adernan sera bou di rudia por
trata esakinan, mientras cu antes por a traha sola-
mente riba e problema di rudia parti ariba.
Esnan cu tin adernan sera den higra, por trata esa-
ki sin cu tin di saca e higra completo. Tur esaki ta
beneficionan pa Aruba.
E grupo di pacientenan aki no mester bay afo mas
pa busca tratamento, pero por ricibi e cuido aki na
Hospital mes.