Page 8 - FLIP AAA
P. 8
Alarma grandi pa avion di Delta for di New York cu a baha
bon finalmente
Sunday, 15 March 2015 15:26
Comparti
Un avion di Delta cu a sali di New York pa Aruba a haya cierto señalnan indicando problema pa
aterizahe. Ora cu el a notifica toren di control mesora a bati alarma. Bomberonan y tambe ambulance a
activa mesora. Polisnan tambe a wordo notifica di e situacion y a sera henter e area rond di aeropuerto.
Tur cruzada y rotonde a wordo blokia pa asina e caminda keda liber pa cualkier eventualidad. E avion
tabata tin riba 100 pasahero abordo. Despues di 10 minuut di e melding e avion a baha. Prome e mester a
deshaci di cierto cantidad di fuel. E flapsnan cu ta na e hala parce tabata confronta cierto problema. Ora e
avion a mishi tera e bomberonan tabata pendiente pe. Por bisa cu e tabata un aterizahe sin problema y
asina e alarma grandi a wordo cancela.
