Page 2 - AHATA FLIP 17 JUNE 2017

Aruba te un di e destinacionnan mas gusta den Caribe pa
cruceronan

Friday, 16 June 2017 22:24
Comparti

Siman pasa Aruba tabata anfitrion di ehecutivonan di e sector di turismo crucero. Miembronan,
empleadonan y invitadonan di Florida-Caribbean Cruise Association tabata na Aruba
pa e conferencia di “Platinum Associate Member Advisory Council Conference” (PAMAC). E tipo di
conferencianan asina ta sirbi como un bon oportunidad pa Aruba por ilustra avancenan den nos
industria turistico y kico tur nos tin pa ofrece na turistanan crucero.
A ofrece e participantenan di e conferencia un tour pa conoce nos isla. Diaranson mainta, mientras nan
tabata canando den area di waf, apreciando e inversionnan multimiyonario cu Gobierno a haci den
infrastructura y embeyecemento di e area, a probecha pasa saca potret na e borchi di “I Love Aruba”
unda cu Minister Ing. Mike de Meza a baha topa cu nan. A invita tambe Minister Presidente Eman y
Minister di Asuntonan Economico, Arends, pa tambe join pa un potret cu e delegadonan.
Aruba ta un destinacion masha gusta pa turismo crucero y un di e islanan miho bishita. Compara cu e
prome 5 luna di 2016, turismo crucero na 2017 a aumenta cu 12.8%. Esey ta un total di 45.015 bishitante
mas cu e mesun temporada di aña pasa. Durante un estudio haci na 2016 door di A.T.A. diferente aspecto
ta destaca; ora a puntra e turistanan crucero con nan ta haya e cordialidad di nos localnan, 94% a
responde cu nan ta satisfecho/hopi satisfecho cu esey. Ademas, 66% di e turistanan crucero a indica cu
nan a scoge nan linea di crucero pasobra Aruba tawata riba e itinerario. Nos cordialidad, siguridad y nos
beachnan ta keda e tres factornan mas importante pa e bishitante.
Florida-Caribbean Cruise Association ta un organisacion comercial no lucrativo consistiendo di 19
miembro di liñanan crucero operando cu mas di 100 barco den lama di Florida, Caribe y Latino America.

Comentarionan (0)

http://www.24ora.com/index.php?option=com_content&view=article&id=123071:aruba-te-un-
di-e-destinacionnan-mas-gusta-den-caribe-pa-cruceronan&catid=1:local&Itemid=5