Page 56 - KPA, May 8 2015
P. 56
Ladronicia no a baha, ta hende a cansa di yama polis!
Publication: Friday, 8 May 2015. Categoria: General
Opinion publico:
ORANJESTAD (AAN) – Como reaccion di opinion publico, un ciudadano a duna comentario
riba e hortamento di un machine di corta yerba cu a sosode na un area di Hooiberg.
E ciudadano a bisa cu realmente ladronicia no a baha na nos pais, simplemente e hendenan a
cansa di yama polis, pasobra of nan no ta bin pasobra nan ta hopi druk cu cosnan mas urgente, of
nan ta bin pero no ta resolve ningun caso y nunca nan ta haya nan pertenencianan bek.
Ta masha poco biaha por scucha un hende bisa cu nan por a haya bek e articulonan cu a wordo
horta for di nan cas.
Awendia, tin ladronnan cu tin tecnicanan hasta pa inactiva un alarma. Hopi bario unda cu polis
mes ta biba, ta victima di ladronicia constante, loke riba su mes ta un hilaridad, pero asina e
asunto aki ta. Unico alternativa cu e ciudadano aki ta mira ta precisamente algo cu mester ta
facil, pero cu no ta sosode pa motibo di falta di interes: union di bisiñanan! Dia cu bisiñanan
dicidi pone schouder hunto y forma un bloke pa combati ladronicia, sin nodi yega na metodonan
violento ni tuma ley den nan man, e situacion aki lo conoce un fin. Mester tin forma di gara e
ladronnan cu man den mansa y entrega nan na polis cu tur evidencia, pasobra pa polis actua
evidencia mester existi, y ora no tin esey ta nan argumento tambe cu “nan no por haci nada” y cu
“nan ta man mara”!
http://www.diario.aw/2015/05/ladronicia-no-a-baha-ta-hende-a-cansa-di-yama-polis/
Publication: Friday, 8 May 2015. Categoria: General
Opinion publico:
ORANJESTAD (AAN) – Como reaccion di opinion publico, un ciudadano a duna comentario
riba e hortamento di un machine di corta yerba cu a sosode na un area di Hooiberg.
E ciudadano a bisa cu realmente ladronicia no a baha na nos pais, simplemente e hendenan a
cansa di yama polis, pasobra of nan no ta bin pasobra nan ta hopi druk cu cosnan mas urgente, of
nan ta bin pero no ta resolve ningun caso y nunca nan ta haya nan pertenencianan bek.
Ta masha poco biaha por scucha un hende bisa cu nan por a haya bek e articulonan cu a wordo
horta for di nan cas.
Awendia, tin ladronnan cu tin tecnicanan hasta pa inactiva un alarma. Hopi bario unda cu polis
mes ta biba, ta victima di ladronicia constante, loke riba su mes ta un hilaridad, pero asina e
asunto aki ta. Unico alternativa cu e ciudadano aki ta mira ta precisamente algo cu mester ta
facil, pero cu no ta sosode pa motibo di falta di interes: union di bisiñanan! Dia cu bisiñanan
dicidi pone schouder hunto y forma un bloke pa combati ladronicia, sin nodi yega na metodonan
violento ni tuma ley den nan man, e situacion aki lo conoce un fin. Mester tin forma di gara e
ladronnan cu man den mansa y entrega nan na polis cu tur evidencia, pasobra pa polis actua
evidencia mester existi, y ora no tin esey ta nan argumento tambe cu “nan no por haci nada” y cu
“nan ta man mara”!
http://www.diario.aw/2015/05/ladronicia-no-a-baha-ta-hende-a-cansa-di-yama-polis/
