Page 6 - IVA FLIP 10 AUG 2017

Den caso di un infeccion viral (gastroenteritis=buikgriep) mayoria di biaha bo ta haya tambe diarea y
keintura. Si e sacamento ta consecuencia di un infeccion, generalmente e ta bira menos despues di 24
ora. Den e sacamento aki por aparece un tiki di sanger. Esaki no ta motibo pa alarma. Si tin mas

sanger den e saca, esaki por ta un indicacion di sangramento di stoma y bo mester yama docter
mesora.

Cerca Baby

Ora e baby respo, hopi biaha e ta saca un tiki lechi tambe. Esaki no ta nada. Tosamento ta subi e
presion den barica. E ora ei si e sfinter na entrada di e stoma ta habri facilmente cerca baby y mucha
chikito. Pero si e baby saca cu forsa (cu un ‘boog’), anto esaki por nifica cu tin un ceramento di e
canal digestivo. Esaki ta sosode solamente den e prome simannan di bida.

Cerca mucha cu mas di 1 aña

Mucha ta saca mas lihe cu hende grandi. E causa por ta inofensivo, pero tambe hopi grave. Mayoria
di biaha e causa ta fisico, pero tambe exitacion y tension por ta motibo di sacamento. Si e mucha a

saca, anto e no tin ningun otro sintoma di malesa y, pa lo demas, ta mustra salud, anto generalmente
esaki ta motibo di mucho comemento di mangel y/of chucheria of pasobra el a come algo cu no
tabata bon. Mayoria di malesa di mucha ta bai compaña pa sacamento. Den caso di infeccion di

garganta, di horea of cualke oro infeccion, hopi biaha e mucha a haya tambe diarea y keintura. Esaki
ta stop mayoria di biaha denter di 24 ora. Tambe hopi biaha mucha ta saca den caso di un verkoud cu
ta cuminsando.

Cuido propio: Loke bo mes por haci

Laga e stoma haya sosiego durante e prome oranan, kiermen, no come nada ni bebe nada. Cuminsa
cu un tiki awa of thee slap. Si bo no saca esaki, bo por tuma buyon, awa of juice. Djei bo por
cuminsa pasa poco poco pa cuminda mas solido, manera un buscuchi di soda.

Serca baby, cuminsa despues di 2 ora cu awa of cu thee den telepel. Of si e ta haya boter, cu 10 cc di
awa.

Cerca mucha di mas di 1 aña. Sacamento por ta un experiencia angustioso pa un mucha. Pesei mes

purba trankilis’e, papiando cu ne cu calma. Evita (p’e bai den ) panico. Apoya e mucha durante
sacamento. Percura pa remplasa e perdemento di likido. Haci esaki preferiblemente cu un likido cu ta