Page 64 - MIN.ON MAY 18,2015

Universidad di Aruba y Ministerio di Enseñansa a yega na acuerdo pa

aumenta “collegegeld” den etapa

Universidad di Aruba y Minister di Enseñanza Michelle Hooyboer-Winklaar a yega na un
acuerdo pa aumenta “collegegeld” di Universidad di Aruba den etapa. E collegegeld pa e aña
academico nobo, cu ta cuminsa na augustus 2015 lo ta Afl. 1300,= pa Bachelor, Afl. 1675,= pa
Master y Afl. 2.250,= pa MBA. Registracion ta costa Afl. 250 y gastonan administrativo ta Afl.
250 pa e diferente programanan.
Universidad di Aruba lo inverti e entradanan adicional den innovacion di enseñansa pa sigura cu
e nivel cu ta ofrece na Universidad ta igual of hasta superior na locual ta ofrece
internacionalmente.
E periodo pa registracion a habri diabierna dia 15 di Mei y e “deadline” pa registra ta dia 15 di
Juli 2015.
Universidad di Aruba ta invita tur esunnan interesa den estudionan na nivel “Bachelor” y
“Master” pa pasa registra na tempo, esta prome cu dia 15 di Juli. Despues di e fecha lo por haci
excepcionnan, pero e studiante lo mester paga un “late registration fee”.
Futuro studiantenan ta haya tur informacion referente e diferente estudionan y rekisitonan di
admision (toelatingseisen) riba e website www.ua.aw. Riba e website tambe tin un link unda cu
esunnan interesa por registra.
Pa informacion tocante registracion, rekisitonan y otro informacion general, por tuma contacto
cu “Office of Student Affairs” (OSA) na telefon 5262255/56/57 of via di email osa@ua.aw.
E deadline pa paga e collegegeld, plus e “administration fee” y e “registration fee” ta dia 1 di
September 2015. Door di paga e studiante ta sigura su cupo.

http://masnoticia.com/universidad-di-aruba-y-ministerio-di-ensenansa-a-yega-na-acuerdo-pa-aumenta-

collegegeld-den-etapa/