Page 86 - MIN SOCIAL - MAY 18,2015

FTA no ta acepta trato inaceptabel di gerencia di Ling & Sons tin cu nan
empleadonan

Diabierna merdia trahadornan di Ling & Sons cu nan sindicato FTA a sali den un accion chikito
pa mustra nan mal contento cu e CAO tin dos aña pega pa cual despues cu trahadornan a bay
paden e gerente di e compania a insulta e traharonan. E acto aki a keda graba pa e trahadornan.
Esaki sigur no ta algo bon pa un doño di trabao haci, segun Hubert Dirksz, vice presidente di e
sindicato, kende a splica ki pasonan lo bay wordo tuma.

E ta sigui splica cu ta mustra cu gerencia di e supermercado no kier acepta cu e trahadornan aki
ta Sali padilanti pa expresa nan mal contento. Di berdad e trahadornan tin motibo pa ta mal
contento pasobra compania a laga nan na caya. Compania no ta cooperando manera mester ta pa
yega na un CAO. Compania no ta permiti pa e pago di Union Dues wordo kita for di nan y pase
riba cuenta di FTA y e trato mas tanto, cu ta algo hopi cuestionabel, cual e trahadornan ta hopi
rabia cu esaki.

Desde cu e Hulandesnan aki a tuma over, e trato ta inaceptabel pa e trahadornan pasobra cu
lenguahe abusovi, exigencianan sin limite, etc. E situacion ta tenso segun Dirksz. E trahadornan
a wordo intimida, trahadornan ta trahando cu miedo tur dia y na prome instante a duna e
beneficio di duda. Nan a sospecha, pero awor cu e actitud di un di e gerentenan, Jan Hub, por
constata, por comproba cu esaki ta e modus operandi. Esaki ta e forma di anda di e gerencia aki y
esey e sindicato no por acepta.

Awor aki, maske cu tin palabracion cu e compania pa sinta na mesa, pa nan entrega nan
tegenvoorstel, pa negosha un CAO nobo, e problema ta keda.

Esaki lo wordo atendi na mesa y lo manda un carta fuerte y lo exigi si ta bon, di parti di
departamento di labor, pa haci un control pa wak si e hendenan aki ta legal. Y si nan ta legal
mes, te con leu por permiti un relacion di trabao wordo afecta di e forma aki pa un gerente cu no
kier respeta ley. No kier funciona como un bon doño di trabao y no kier reconoce derecho di
trahador. Esaki no ta cuadra. Kizas loke ta pasando ta pasa hopi caminda, pero pa ora cu, den e
caso aki, cu e trahadornan a reacciona y demostra pa nan derecho, e ora ey ta wak con e dunador
di trabao realmente ta pensa. Dirksz ta spera cu locual cu ta pasando no continua.

Ayera tabata tin reunion general cu e trahadornan, y nan a expresa berdad nan disgusto cu
gerencia y na e mesun momento tin un intimidacion fuerte. Ta spera cu berdad ora cu negosha y
por yega na un mihor entendimento, cu tur locual ta pasando aki no pasa mas, Dirksz a comenta.

Awe tardi lo bay tin reunion cu abogadonan di e sindicato y lo bay tuma un decision. Lo bay
manda un comunicado di prensa y tambe un carta na gerencia y posiblemente lo bay acudi na
departamento di labor y minister, pero sigur FTA lo atende esaki via nan abogado wak kico ta e
mihor decision y descarta y exclui cu por bin un paro na e supermercado, segun Dirksz.

http://masnoticia.com/fta-no-ta-acepta-trato-inaceptabel-di-gerencia-di-ling-sons-tin-cu-nan-
empleadonan/