Page 16 - BNDIA ARUBA

hende Dialuna 28 augustus 2017
A17

Fashion show briyante di diseñador local Gigliola Gomez

ORANJESTAD – E tabata e prome show diabierna pasa, yama A Breeze of Summer,
den un serie di shownan di moda cu Gigliola Gomez, diseñador local, kier presenta.
E publico na Ocean Pure (Divi Phoenix) a reacciona cu hopi entusiasmo. E organi-
sacion den man di Aruba Fashion Society tabata perfecto.

“E ta importante pa diseñadornan local haya un chens pa presenta nan coleccion riba un plata-
forma manera Aruba Fashion Society. Nos tin talentonan riba e isla aki y asina publico por
gosa di nan arte”, un di organisadonan ta splica.
Gigliola Gomez mes ta bisa Bon Dia Aruba: “Mi ta sumamente contento cu e ambiente posi-
tivo aki. Esaki ta mi ambiente, mi isla. P’esey mi kier crea moda riba e nivel aki pa mi hende-
nan. Esaki tabata un gran oportunidad pa mustra mi coleccion nobo.”
Moda pa cada muhe
Como un Arubano sra. Gomez kier mustra cu su coleccion con e bida riba nos isla ta, inclui
nos clima. “E pañanan ta flow, nan ta elegante y chic pero tambe practico. Bikininan pa bay den
pool, shimisnan pa bisti rond pool y pa bisti ora solo ta baha y caba cu un dinner elegante.” E
colornan dominante den su coleccion nobo ta geel, blauw y preto.

Pero tambe tin diseñonan pinta cu man. “Mi pasion ta den mi trabou: crea paña bunita pa
hende muhe. Nos tur ta bunita, nos ta muhenan riba mundo cu por haci tur locual nos kier.”