Page 39 - Minister Otmar Oduber Apri 7,2015

A.T.A: Nos mester salvaguardia nos hospitalidad y
cordialidad

Monday, 06 April 2015 19:24
Comparti

Aruba Tourism Authority ta reconoce e importancia di enfoca na un manera mas amplio riba desaroyo di
nos destinacion. Comentarionan y deseo nan di A.T.A. su “stakeholders” tambe ta subraya e importancia
di desaroyo di producto Aruba na es momento nan aki. Pesey tambe e transformacion di un “Destination
Marketing Organization” pa un “Destination Marketing & Management Organization”.
Tin varios proyecto cu ta enfoca riba desaroyo di producto Aruba y cu alabes ta enfoca riba aspectonan cu
por ser categorisa como prioridadnan turistico, cu a ser lansa den 2014 of cu actualmente ta den fase di
introduccion/preparacion.
Un ehempel di un proyecto piloto cu a lansa na 2014 ta e “Happy Information Officers”, cual ta enfoca
riba brinda mas servicio y informacion. Ta trata aki di un total di 7 “Information Officers” na waf, den
Caya Grandi y den area di High Rise cu ta duna informacion y sugerencia na nos bishitantenan, na un
manera reactivo como tambe positivo. E oficialnan ta studiantenan di Universidad di Aruba cu a haya un
training extensivo riba diferente area pa por ta e cara di nos isla dilanti e turistanan. Esaki ta sirbi alabes
pa forma nos hoben nan tambe, kende ta nos futuro. Ekipa cu un tablet cu wi-fi , e grupo aki ta
disponibel pa cualkier turista cu tin pregunta of duda. E proyecto piloto aki a ser finalisa comienso di e
aña aki y lo continua den aña 2015.
Adicionalmente A.T.A. a bin ta traha hunto cu esunnan concerni riba amplia e plataforma di informacion
pa bishitante nan. Asina lo pone directorio cu informacion den area di Oranjestad, tambe pronto lo pone
borchi cu splicacion chikito di historia na diferente monumento na luganan historico. Clave den amplia e
plataforma di informacion y tambe e vehiculo di promocion pa Aruba ta e habilidad di por uza WiFi
gratis den area nan frecuenta pa nos bishitantenan. Esaki tambe ta un proyecto cu A.T.A. ta spera di
lansa pronto.
Esencial ta keda tambe esfuersonan pa trece cultura mas cerca di nos bishitante nan, asina A.T.A. a bin ta
inverti den diferente proyecto nan cultural, entre otro ‘Resona’. Tur esfuerso ta central den mehora e
experiencia general di e bishitante.
“Turismo ta representa aproximadamente 84% di e GDP di Aruba y ta responsabel pa 86% di empleo
total! Pesey nos mester salvaguardia nos hospitalidad...nos cordialidad cu ta di vital importancia pa nos
turismo y pa un continuacion duradero di desaroyo di esaki”, asina Ronella Tjin Asjoe-Croes, C.E.O di
Aruba Tourism Authority a remarca.
Un otro programa cu lo resorta bao di A.T.A. pa aña 2015 lo ta e programa di entrenamento, certificacion
y conscientisacion ‘Mi Compromiso’ di cual e parti promocional lo haya un bachi nobo ‘Duna Aruba E
miho di Bo’. Continuacion di e programa aki ta clave den e afan di enfoca riba un miho servicio .. uno di