Page 108 - MIN VOS
P. 108
Si bo bai bou di un lampi di rayo ultraviolet, semper bo mester bisti un bril di proteccion. Si
cualke material cu ta pica cai den bo wowo, anto mesora bo mester laba bo wowo cu un
gran cantidad di awa y djei bai Poli (Prome Auxilio) mesora. Si bo ta supone cu tin algo den
bo wowo, semper bo por purba sac’e cu awa.
Cerca Mucha
Limpia e wowonan cu awa herbi cu a fria of cu caneblum. Hopi biaha e cabei di wowo ta
pega riba otro. Kita e mekemeke poco poco cu un pida catuna muha. Bo por limpia e parti
paden di e klep di wowo di abou trankilamente cu un catuna muha. Trek e klep di wowo un
tiki abou y pasa e catuna for di e band’i pafo pa e nanishi. Hamas uza catuna seco den e
wowo, pasobra ta keda drachi di e catuna den e wowo. Semper uza un pida catuna muha
of un gasa.
Tuma contacto cu bo docter di cas
Si bo ta supone cu ta hipersensibilidad ta ocasiona e iritacion.
Si tin mekemeke ta sali for di e wowo.
Cerca Mucha
Si e cora y e segregacion dura mas di dos dia.
Tuma contacto cu bo docter di cas inmediatamente
Si bo ta kere cu bo tin un obheto den bo wowo cu bo mes no por laga saca afo.
Si bo tin dolo den bo wowo of si bo tin conhuntivitis/wowitis actinico.
Cerca Mucha
Si e wowo ta asina cora cu bo no por mira e blanco di wowo mas.
