Page 13 - MIN VOS

ORANJESTAD (AAN): Ministerio di Asuntonan General di Prome Minister Mike Eman tin

un persona cu ta encarga y coordina tur loke cu tin di haber cu deporte. Ta trata aki di
Ditto Acosta, kende ta coordina tur e proyectonan deportivo cu ta wordo realiza door di
Ministerio di Asuntonan General den barionan, manera drechamento di cancha,
construccion di tribuna y e proyectonan di mini canchanan deportivo cu yerba artificial.

Acosta yen di entusiasmo a recorda con e proyecto di mini canchanan deportivo a
cuminsa un poco mas cu dos aña pasa na momento cu Prome Minister Mike Eman

tabata canando den e barionan y bishitando clubnan deportivo, scuchando habitantenan
kico ta nan deseonan. Cerca e dirigentenan di clubnan semper tabata existi e deseo pa
un cancha deportivo chikito di yerba artificial, cual por wordo uza principalmente door
di e deportistanan mas hoben. E tabata un idea cu a cay den bon tera cerca Prome
Minister Eman, kende a pone su team deportivo, lidera pa Ditto Acosta, traha riba un

plan con pa hinca e proyecto aki den otro. Durante un aña y mey a traha pa identifica
tur e clubnan cu tin e necesidadnan aki. Aworaki ta bay realiza 6, den cooperacion cu
Comite Olimpico Arubano (COA).

Acosta a splica cu den e estudio haci, a haci un evaluacion pa mira cual ta e scolnan
den becindario cu lo por haci uso di e mini-canchanan aki den oranan di mainta, pa
asina mas hopi persona por beneficia di esaki. Mientras cu scolnan por use mainta, e
club ta tuma su uso den oranan di atardi pa anochi. “E clubnan mes lo percura pa

mantencion di e canchanan aki y tur e muchanan di e bario por haci uso di e veld,”
Acosta a bisa.

E proyecto aki ta uno cu COA a tuma over di Gobierno aña pasa. COA International via
di su organisacion local a haci un contribucion cu cual Gobierno ta logra construi 6
cancha. Tur e clubnan cu a bini na remarca a wordo informa cu nan mester percura pa
e fundeshi mientras cu despues ta sigui pa pone yerba, heki, wayanan y colomnan pa
luz. E ultimo parti aki di iluminacion ta trahando riba dje. “Esaki ta un bunita proyecto y

nos a haci esaki caba na Centro di Bario Brazil, cu FCCA a realiza algo asina na Bushiri
y Madiki. Na RCA tambe tin un mini-turf. E experiencia ta cu unabes tin un cancha