Page 2 - KPA

Haciendo su trabao

Polis y su agresor ta muri

Juli 4, 2017
www.awemainta.com
www.facebook.com/awemainta
noticia@awemainta.com
583-1400

AYERA nochi pa mas o menos 7.30, a sosode un drama na Boegoeroei 50, unda
un patruya policial a bay duna asistencia, pero a haya nan mes confronta un ciu-
dadano masha agresivo.
E ciudadano aki no ta un desconoci pa Polis, pasobra no ta prome biaha cu Polis
ta bay duna asistencia na dicho direccion, esta Boegoeroei 50.
Dicho persona a pasa man pa un bloki y a dal un di e Polisnan den su cabez y a
sigui bati e Polis aki, kende a keda seriamente herida. Eynan nos a haya informa-
cion cu e homber agresivo aki ta un paciente di PAAZ, y di biaha e pregunta, con
ta posibel a lagu’e bay cas.

E otro colega, pa defende e Polis victima no a ked’e otro di saca su arma regla-
mentario y a los dos bala, cu tabata fatal p’e homber agresivo, kende no tabata
razona mas.
Despues di esaki e agente policial a solicita refuerzo urgente y asina mas patruya
a bay n’e sitio y a ser tur caminda cu tabata conduci na Boegoeroei 50.

Dos ambulance tambe a presenta, unda e paramediconan a bisa di no por haci
nada mas p’e victima y pa avisa un dokter pa constata morto.
E otro Polis cu a ser malamente bati cuun bloki den su cabez a haya asistencia
di e paramedionan di ambulance, pa ser transporta urgente pa Hospital den un
situacion masha critico..
Mientrastanto dokter Tromp a presenta n’e sitio y a constata morto di e victima/
agresor.
Un rato despues cu e Polis herida a yega hospital, no a keda otro pa avisa e demas
autoridadnan di Polis a fayece. Ta trata aki di Tino Ruiz, kende ta unico yiu di e
conocido musico Tino Ruiz di Noord.
Mas laat den anochi, nos a haya sa kende e agresor ta Ericho Jimmy Tjong Kon
Sang, naci na Surinam dia 26 october 1976 (32 aña) y biba na Boegoeroei 50.

Mester bisa cu t’e asina leu cu nos esaki, Ruiz ta bira e prome agente policial cu
ta muri, haciendo trabao. Manera nan ta bisa na Ingles: “Die in the line of duty”.
Na famia di e difuntonan ta bay nos mas sincero condolencia.