Page 53 - KPA

Rol di Afpakteam y asunto di incuplimento di belasting cu e
control na salida for di Aruba

Monday, 03 July 2017 19:08
1

Comparti

Hopi hende ta kere cu Afpakteam a bin pa un otro tarea y diripiente ta sali un comunicado caminda cu ta
menciona afpakteam den e proceso aki for di Ministerio Publico. Mr. Luanne Pieters, hefe di
Departamento di Impuesto a splica cu e ta un joint efford.

Afpakteam su main focus ta riba e transaccionnan financiero di mundo baho, caminda cu Impuesto ta
atende cu e criminalnan riba e tereno ey, pero tambe keda sin paga bo belasting, keda sin cumpli cu
boetnan cu tin tambe ta algo cu no ta segun ley. Impuesto kier a concientisa pueblo cu tambe tin cu
atende cu e responsabilidad aki cu ta pago di belasting y tambe multanan cu tin habri. Situacionnan cu
tin cu actua Pieters a splica cu tin situacionnan extremo caminda cu di berdad a para personanan
individual y tambe companianan of esnan cu ta representa companianan pa sali for di Aruba, caminda cu
tabata tin debenan di belasting habri, debenan grandi, caminda cu tabata tin e informacion cu nan lo a
cera negoshi y bandona e isla definitivamente, sin reken af cu nan debenan di belasting. Na final, loke
kier logra como Departamento di Impuesto y como pais, cu tur hende ta paga nan fair share. Como
funcionarionan publico mes ta paga belasting y su tur paga nan fair share, tur ta paga menos na final. Si
ta di un grupo chikito tin cu trece e cen aden, y na final e grupo chikito ey ta pagando dimas.

Si tur hende atende cu nan debenan di belasting manera mester ta, nos tur ta yuda carga e peso. Asina e
ta poni tambe pa ehecuta den ley. Hopi hende debe CFT a menciona e parti cu ta compliance, caminda cu
ta mira cu e comportacion fiscal no ta manera mester ta. Ora ta haya un aangifte otorta di inspector, sea
ta loonbelasting of BBO, bo tin e obligacion segun ley pa entrega e aangifte y paga e belasting manera
mester ta. Ta mira cu den practica tin ongeveer un 50% di cliente ta haci aangifte y ta paga y esey ta algo
cu ta preocupante, cu ta ripara cu no ta tur ora e cliente ta tuma e cargo aki na serio. Ta algo cu Impuesto
ta mira e seriedad den dje y ta spera cu e clientenan ta bira un tiki mas madura riba e tereno ey.