Page 31 - diaro aug 27

DIAHUEBS 27 AUGUSTUS 2015 DIARIO
Pensa bon prome cu expresa bo mes y di tin opinion
Sinta, disfrutando di un arepa cu despues a bira un pastechi casero,
e conversacion a bira tocante loke ta scucha merdia na radio.
E conoci di mi a bira manera hopi di e oyentenan. El a scucha un
persona menciona algo di asunto politico di e dianan aki, y tabata
contra.
Cos no a caba eynan pasobra e tabata contra e di dos opinion tambe,
y a expresa su opinion y a puntra tur hende si nan ta di acuerdo cune.
Mi a pensa den mi mes: “ ki dia hende a cuminza pensa cu nan
opinion ta bal mas cu di tur hende ?”
El a insisti riba mi opinion y mi a bis’e: “Bo ta liber pa expresa loke
bo kier pasobra nos tin libertad di expresion. Mescos nos tin
tambe libertad di por expresa nos opinion.”
El a insisti: “kico bo ta pensa di mi opinion?”
Mi a pensa un rato y a contesta: “ Mi ta respeta bo opin-
ion.......” y aki el a cuminza cu e otronan atrobe sin lag-
ami caba di papia:, “boso a mira ! Mi tin razon !”.
M’a dicidi di cay aden mes ora: “Scuchami’ki Djuleco! Mi no
a bisa cu bo tin razon. Mi a bisa cu mi ta respeta bo opin-
ion. Esey no kiermen cu mi ta di acuerdo cu bo opinion.”
El a keda mirami como si fuera e kier a comemi curu.
“Nos ta biba den un democracia y un di nos derechonan mas
sagrado ta e libertad di expresion y e libertad di por expresa nos
opinion. Tur hende ta liber di bisa kico nan kier. Pero ora bo scu-
cha e programa cu bo a referi na dje, bo ta ripara cu e hendenan
ta abusa hopi di e libertad aki y e derecho di expresa opinion”.
Esaki ta trecemi na un comentario cu mi a lesa poco dia pasa. Mi ta
lesa tur comentario cu mi haya den mi man. Esaki no kiermeen cu
mi mester bay di acuerdo cu tur di nan. Tampoco cu mi tin cu bay
contra nan expresion of opinion. Pero tin ora mi ta haya si cu nan ta
bay mucho leu.
“E bay mucho leu aki” ta algo cu hopi hende tin den nan expre-
sionnan, principalmente ora nan ta rabia. Nan ta expresa of skirbi
algo cu ta bay mucho leu, sin ripara mes y sin pensa mes cu esaki
por causa daño na otro(nan). Bo ta haya e expresionnan acerca di;
“mi ta arubano di pura sepa”, “nos ta bini di e arubanonan orig-
inal”, “nos ta si sanger puramente arubano “. etc. Expresionnan
cu ta wordo haci emocionalmente sin pensa prome.
Esun cu mi ta referi na dje ta e expresion den e comentario publica
e siman aki, cu ta menciona cu nos a hereda sanger di nos ances-
tronan cu tabata biba na Aruba “prome cu tanto stranhero a bin
mata nan hamber aki nan”.
E ultimo frase ey, mi ta kere cu nos mester stop di usa riba e isla aki. Google. Esey tambe a haci cu hopi hende ta comenta, opina, y
E stranheronan cu a bin establece aki, a bin busca un mihor bida,
un mihor porvenir pa nan y nan famia, mescos cu nos tambe ta bay
exterior pa busca mihor bida o mihor porvenir. Nan no ta y no a bin
Aruba pa mata nan hamber. E cantidad di hende cu a bin di henter
Caribe y di paisnan latino den añanan 30 y 40 pa traha na Aruba,
no a bin aki pa “mata nan hamber”. Nan a bin busca un mihor
porvenir y mihor bida pa nan famia y na grandi nan a yuda nos isla
bay dilanti tambe, te cu awe.
E expresion ey ta un expresion cu mi ta haya a ofende masha hopi
hende. Masha hopi Arubiano cu tin nan ancestronan cu a bin di otro
pais. Masha hopi cu nan yiunan, nietonan y bisanietonan a nace,
crece y lanta na Aruba. Tur esakinan ta hendenan cu lo sinti nan
mes ofendi si califica nan di ta hendenan cu “a bin Aruba pa mata
nan hamber”.
PAGINA 31
Pa bini bek na e topico di e programa radial menciona ariba. Nos lo
no keda contento tampoco si e hendenan aki, y hasta nos mes hen-
denan, keda ripiti cu nos a bira manera “cacho cu ta come cacho”
y cu nos ta gusta “tira piedra sconde man”.
Mi a kere cu e discusion lo a termina pero Djuleco a lagami sa cu
“boso a hasta tene miedo di publico di e atleta Bruce Jenner
cu a bira e muher Caitlin Jenner. Te awe ningun corant, radio of
television a duna un opinion”.
Mi a lagu’e sa cu esey no ta nos asunto. El a haci e transicion pa e
persona cu el a kere cu e mester ta. “E tabata Bruce, nunca a sinti
su mes como Bruce y a bira Caitlin, esey ta tur.”
E waiter Jhon a pone cervez nos dilanti y a laga sa . “El a tuma
un decision personal profundo cu e so ta permiti pa haci, pero
despues tur hende a subi Facebook y expresa nan opinion di
su escogencia como sifuera ta nan asunto.”
Esaki a ponemi bay bek pa mi expresion anterior tocante e progra-
manan na radio unda bo ta scucha con nos ta come otro. Tur dede
ta wordo apunta den un direccion y tur ta kere cu nan tin derecho di
opina riba e asunto.
Mi a sinta keto y laga tur cos draai manera nan ta draai. Di robez pa
drechi manera holoshi y di drechi pa robez, contra holoshi. Kico nos
tin cunes kico otro hende ta haci ? Esakinan ta hende cu nan biba
no ta afecta nos bida y esey no kiermeen cu nos tin cu busca pa sa
kico otro ta pensa y expresa nos mes den sentido cu nos conoce
nan bida mihor cu nan mes.
Djuleco a bisami cu e ta haya cu mi a bira serio. Aki mi a conteste
cu mi no ta gusta ora hende ta puntrami opinion riba cosnan cu no
ta concerni nan. Nos no mester forma opinion tocante bida priva di
hende, principalmente si nos no tin ni un conexion cu nan.
Loke ta haci Aruba grandi pa mi, ta cu nos ta biba den un pais unda
hendenan ta liber pa expresa nan opinion. Nos por comparti nos
opinion y pisa loke ta bal la pena y loke no ta bal la pena.
Djuleco a coge su boter di cervez, bira bay direccion di porta expre-
sando: “ Yaaaa... Djis pasobra bo ta liber pa expresa bo mes, no
kiermeen cu mi tin cu sinta scucha bo”.
Di tempo Internet a drenta Aruba y cu tur e cambionan di sitionan
special y aplicacionnan special, por a ripara cu hopi a cambia den
nos manera di anda cu otro, y bo ta “ouderwets” of di “Cauchi
Baulo “ si bo no kier comenta tocante “Twitter”, “Facebook”,
“whatsApp”.
Ademas di esey, ta tur hende a bira Docterandus, Dr. Mr. Ing. Ir.
Master of... Bachelor of .. profesor, cientifico, danki na Internet y
expresa nan mes tocante asuntonan cu nan sa nada di nan y no a
studia lo minimo pa ta eynan y ta wordo considera experto (danki na
Internet) y ta wordo carga pa esaki tambe.
Percura cu pa nada bo ta bay contra nan pasobra bo ta bira en-
emigo mes ora. Pesey...., tene bo opinion pa bo mes!
Juby Naar