Page 51 - MIN JUS OCT 28, 2015

Decision lo cay si capitan di boto ta culpable di traficacion di 14 kilo di cocaine

Publication: Wednesday, 28 October 2015. Categoria: Judicial

ORANJESTAD (AAN) – E siman aki Hues di
Corte den Promer Instancia lo dicidi si e homber R.Z., capitan di un boto, ta culpable di 14 kilo
di cocaina y algun kilo di heroina cu a wordo haya abordo di e boto aki.
Dia 17 di Juni 2015, miembronan di Guarda Costa a haci un investigacion hopi pisa riba e boto
ora esaki a mara na waf di Barcadera. Den un buraco scondi den e boto a bin haya e pakinan di
cocaina cu a pisa 14 kilo. E capitan R.Z. ta para riba cu e no sa nada di droga y cu su trabou
tabata pa hiba y busca hende for di Venezuela pa e homber D.L.
El a bisa cu e boto a kibra 15 di Juni 2015 na banda di D.L. a saca e boto for di laman y laga
drecha esaki. Dia 17 di Juni 2015, D.L. a bin su cas mainta tempran pa e hiba tres Venezolano.
E mesun dia ey e muher A.R.M. tambe a bin Aruba abordo di e boto aki y tabata den saco cun’e
cu articulonan di cuero. Segun A.R.M., ta D.L. a pidi’e na Venezuela pa pasa busca e dos
saconan aki for di un muher na un hotel y trece Aruba.
Segun A.R.M., el a controla e articulonan y no a mira nada sospechoso. A resulta cu e tasnan y
zapatonan di cuero a wordo hunto cu droga ariba nan. En total tabata 5 kilo di heroina.
Ta asina cu tanto A.R.M. como R.Z. ta para riba di no tabata sa mes cu tin droga. R.Z. a bisa cu
D.L. a pidi’e hiba hende y el a bay busca e boto, hiba esaki laman. El a desmenti
caterogicamente di tabata sa cu tin droga scondi den un lugar secreto den e boto.
Ta asina cu Fiscal si ta haya ambos culpable di traficacion di droga. El a bisa cu e ta tene cuenta
cu e cantidad di droga cu a keda confisca. El a exigi 3 aña di prison pa A.R.M. y 5 aña di prison
pa R.Z.
Hues a bay studia e caso y e palabracion ta cu e siman aki e lo dicta sentencia. DIARIO lo bay
cubri e sentencianan aki y lo informa lectornan kico ta e decision di Hues.
http://www.diario.aw/2015/10/decision-lo-cay-si-capitan-di-boto-ta-culpable-di-traficacion-di-
14-kilo-di-cocaine/