Page 46 - FLIP KPA

Homber tur na sanger y sin bida haya den auto na Hooiberg

 Mar 20th, 2015
 Policial, splash

Tabata diabierna mey anochi riba e caminda di Hooiberg pasando Indian Rock direccion noord
pa mondi un persona a raporta na Polis di un homber na sanger cu kap na cabes cu no ta duna
señal di bida den un toyota yaris blanco. Patruya di Santa Cruz a acudi na e sitio rapidamente
conhuntamente cu ambulance y a constata di un hende homber sinta den e auto na sanger no ta
reacciona.
Personal medico a tuma nota cu mucho no por haci mas pa e persona. Di biaha e unidadnan
policial a cera e caminda pa ningun hende yega cerca unda investigacion profundo a start na e
sitio ya e forma con a haya e persona sin bida y na sanger den e auto tabata uno dudoso.
Na e sitio di e crimen a acudi e Chef di Santa Cruz, Comisario di Polis y Fiscal di Ministerio
Publico pa ta na altura di e sucedido di cual posibelmente ta trata di un asesinato den un forma
straño. Depsues di investigacion basta largo na e sitio funeral a acudi na e sitio pa bay cu e curpa
sin bida di e homber y e auto a keda den beslag.

No por comenta si ta trata di un caso di asesinato, pero transcurso di dia nos lo informa manera
cu autoridad saca un relato.