Page 41 - Djaluna 30 yuli 2018.pdf

Djaluna 30 Yüli 2018 41

Kontinuashon di pagina 7
Korte lo trata kaso
florin ku OM a demandá
pa kita propiedat kontra dje
akusadonan. Den e proseso
aki ta bai pa rekobrá plaka
ku Schotte i Van der Dijs a
akumulá inhustamente. Dia
11 di mart 2016 den korte di
promé instansia, Schotte a
keda sentensiá pa entre otro
akseptá soborno di mas ku
USD 200.000 i falsifikashon
di dokumento. Den e kaso
kontra sr. Schotte, Korte
den Promé Instante a pidi
pago bèk di 1.861.692
florin. Den e montante aki
tin tambe inkluí un pago
di USD 800.000 ku segun
OM a keda hasi na Schotte
riba un kuenta bankario
na Suisa riba un kuenta
di un kompania establesé
riba Marshall Islands den
kual Schotte tabata esun
benefisiá. Pa loke ta trata
van der Dijs ta eksihí e
montante di 205.274 florin.
Esaki ta e montante ku
segun OM den e kaso aki a
benefisiá sra. Van der Dijs
personalmente. Dia a trata e
kaso ‘regie” a sali na kla ku
henter e dokumentashon dje
kaso Babel a bai Ulanda pa
korte di Kasashon, i kopia
di esakinan mester a yega
korte na Kòrsou entre tantu
bek. Finalmente korte a
honra abogado di sr. Schotte
i su pareha, mr Jan Geert
Knoops pa ekspertonan
traha nan rapòrt, i tambe
pa e abogado haña tur e
papelnan di banko ku el a
pidi.