Page 47 - Djaluna 30 yuli 2018.pdf

Djaluna 30 Yüli 2018 47

Jonathan Schoop ku tremendo aporte pa su bario

WILLEMSTAD. - Kòrsou su pelotero di Liga Grandi Jonathan Schoop ku un tremendo
aporte pa su pais kontribuyendo na un mihó Kòrsou. Den e kaso aki Jonathan a sòru pa
rekursonan pa un grupo di boluntario formá pa su famianan, amigunan i abitantenan di
e bario di Sta. Maria pone man na obra i hasi limpiesa den e bario. Promé ku e aktividat
aki, tabatin un Santu Sakrifisio di Misa na misa di Sta. Maria i for di einan e grupo di
boluntario a kuminsá limpia e área te na Rooseveltweg altura di Hair Creation.

Durante 10 aña
Míles di hòmber a bati
na porta di fundashon
pa yudansa
WILLEMSTAD - Dia
promé di ougùstùs ta e dia
pa tur hende hòmber para
ketu na nan mes, na e ròl ku
nan ta hunga den bida di nan
famia i di nan komunidat.
Dia di Hende hòmber ta
un inisiativa di Coraline
Kooistra di e Stichting Tegen
Kindermishandeling kende
a konstatá e nesesidat pa
duna mas atenshon i balor
na e hende hòmber en
general. E hende hòmber
ta sigui ta importante den
desaroyo i bienestar di su
famia i di su komunidat.
Hopi biaha e hòmber no ta
haña e atenshon manera ta
e kaso ku e hende muhé.
Realidat ta ku tin
hopi hende hòmber ku
ta ehersiendo tremendo
trabou den bida di nan
yunan, komo kasá, komo
trahadó i den mil i un otro
funshon den komunidat. Pa
duna balor na tur hòmber
Kooistra a hasi un petishon
na Gobièrnu pa proklamá
1e di ougùstùs komo
‘Dia Nashonal di Hende
Hòmber’. Pa dies aña kaba e
fundashon ku ta tras di esaki
ta organisá proyektonan pa
duna mas atenshon na e
hende hòmber. Un proyekto
eksitoso ku a nase for di e
inisiativa aki ta e “Meldpunt
Geweld Tegen Mannen”
ku ta duna oportunidat pa
yudansa na hòmbernan
maltratá, neglishá i lubidá.
Ta míles di hòmber a bati
na porta di e fundashon
pa yudansa. Hopi a haña
oportunidat pa uni bèk
ku nan yunan, a mehorá
nan relashon ku kasá i a
kue kaminda pa hustisia
despues di maltrato.