Page 13 - AM201007
P. 13
Diaranson, 7 October 2020 AWEMainta 13
Aruba Bank ta yuda muchanan vulnerabel
di Fundacion Siñami Paso pa Paso
Aruba Bank oficialmente a haci donacion na Fundacion Si-
ñami Paso pa Paso Aruba. Actualmente e fundacion ta conta
cu un total di noventa (90) miembro cu ta depende di dona-
cion di otro instancia pa por sigui ricibi guia.
Den e cuadro aki Aruba Bank a contribui pa yuda cuarenta
(40) mucha incapacita, cu ta hopi vulnerabel, di edad cu ta
varia entre 6 te cu 14 aña. E donacion lo yuda e fundacion
duna workshops na gruponan, cu ta consisti di maximo 5
mucha cada un, pa un termino di 2 siman largo, 3 biaha pa
siman. E workshop lo enfoca entre otro riba desaroyo social,
comunicacion y amor propio.
E fundacion a wordo estableci na 2009 cu e meta pa provee
terapia di papia y lenguahe, logopedia, servicio psicologo,
programa di tarea pa muchanan incapacita, programa pa
stimula baby y muchanan desde comienso, terapia educativo
y alternativo y un programa di tarea na cas pa muchanan cu
ta incapaz di siña.
Aruba Bank, den cuadro di su pilar strategico WeCare a
percura p’e fundacion por sigui cu su trabou durante di e
situacion extraordinario cu nos tur ta bibando. Nos ta suma-
mente contento di por duna bek n’esnan mas vulnerabel den
nos comunidad. Pa yuda Fundacion Siñami Paso pa Paso
Aruba, por manda un email na: f.s.p.p.a@live.com.
