Page 42 - min vos - may 15,2015

Atleta Joel Kuiperi ta logra un di cinco lugar

den e campeonato Panamericano Hubenil

di Pesas na Colombia

E atleta di hisamento di peso, Joel Kuiperi apenas tin un aña y mey ta practica e
deporte di pesas, pero desde el a cuminza a wak un talento enorme den e hoben atleta
Arubano. Siman pasa, e atleta Kuiperi a haya e oportunidad pa prome biaha representa
Aruba den un campeonato den exterior. Mester bisa cu e hoben atleta di 19 aña di edad
a logra un tremendo resultado den e Campeonato Panamericano Hubenil di hisamento
di peso cu a tuma lugar na Cartagena di Indias-Colombia. E atleta Joel Kuiperi a
competi den categoria di 105kg unda tabata tin un elenco di shete atleta di e continente
America.
Pa loke ta e resultado final mester bisa cu Joel a logra hisa 117 kg den snatch y 145kg
den clean & jerk pa un total di 262 Kg. Esaki a haci cu Joel a termina na di cinco luga
den e competencia mientras e ta logra kibra e record hubenil di Aruba cu dos kilogram.
E federacion di AAWA por ta orguyoso di e prestacion di su atleta Joel Kuiperi kende a
wordo guia pa e entrenador nacional di pesas, Adolfo Gallego Salas.
Un danki sigur na Lotto, e Loteria di Aruba pa medio di Comision di Subsidio cu a
subsidia e biahe di e atleta Joel Kuiperi y su coach Adolfo Gallego pa e Campeonato
Panamericano Hubenil di hisamento di peso.
Cumprando weganan di Lotto, e Loteria di Aruba bo ta contribui na deporte riba nos
isla. Meta di e fundacion ta pa organiza loteria, cambia bida di su hungadornan y na
mes momento inverti den deporte local pa medio di donacionnan na e comision di
subsidio.
http://masnoticia.com/atleta-joel-kuiperi-ta-logra-un-di-cinco-lugae-den-e-campeonato-panamericano-
hubenil-di-pesas-na-colombia/