Page 14 - AWEMAINTA

14 AWEMainta Diamars, 24 October 2017

Nochi di Baliadornan di FMTB FUNDACION Movemiento ta bida (FMTB) kier

anuncia na tur e fanaticonan di bon fiesta cu e aña
aki, riba diasabra dia 11 di november, ta celebra e di 6
Fundraising “Nochi di Baliadornan” den Renaissance
Covention Center, for di 8’or te cu 1’or.

Manera tur aña, e fiesta aki lo hiba bo bek den tempo
y laga bo pasa un anochi inolvidabel.
FMTB a tene cuenta cu tur hende y a baha e prijs di
entrada te na Afl 50,00 pa persona, dunando asina
bek na tur esnan cu semper a yuda nos, yuda otro.

Lo bay tin 3 banda fuerte cu lo demonstra cada uno
loke nan tin aden y specialmente con bon nan por
laga bo balia, canta y goza.

The Strangers y The New Tramps lo t’ey presente
pa hiba tur hende den trance formal gozando di e
añanan 60 te cu 90.
Ban bek den tempo di Shindig y Flower Power.
Temponan dushi di Aruba unda fiestanan tabata
cuminsa diadomingo merdia 2’or.

Ken no ta corda e fiestanan den Club Surnam, Club
Orquidia, Bonaire Club, Eagle Club, Strand Hotel y
hopi lugarnan mas rond di Aruba, unda e teenagers
tabata goza.

P’e aña aki FMTB a haya e top artista di Corsou,
Edsel “Payo” Juliet cu su Banda Loca, cu a copera y
a disidi cu e lo bay duna e anochi aki un extra swing
cu su cancionan conoci di tur tempo, manera Dale
cu Awa, Ata e fiesta ta bai cuminsa, Bo no ta bira
bieu, y awor el a caba di lanza su ultimo produccion
‘Respeta Cultura’.

Ambiente lo ta bay tin diasabra anochi dia 11 di
november den Renaissance Convention Center, cum-
insando for di 8’or te cu 1’or.
Un bataya fuerte di e bandanan, caminda nos tur lo
pasa un anochi sumamente agradabel topando amigo
y amiganan di e tempo ey.

Busca bo carchi na Cliffix, Cas di Cultura, Precious
Anardey y na oficina di FMTB na IBISA.
Corda cu entrada ta limita, dus cumpra bo carchinan
na tempo pasobra e fiesta aki no ta bay wordo ripiti.
Por reserva mesa tambe na nos oficina na tel 5868651,
5942546 y 5930854.
Bailamento ta sumamente bon pa tur hende, asina ta
no keda cas pa otro conta bo con dushi nan a pasa.