Page 2 - AWEMAINTA

2 AWEMainta Diamars, 24 October 2017

El a dura poco largo, pero

Ainda prome cu e retira, Minister Richard

Arends a cumpli na firma e ultimo decreto pa

paga tur ex-empleado di SETAR

COMO un di su ultimo actonan, Minister Richard Arends a firma ayera mainta, e ultimo de-
creto pa paga e ultimo 60 ex-trahadornan di SETAR, kendenan mester a wordo paga. Manera
ta conoci, na momento cu SETAR a keda privatiza na 2003, a surgi un disputa basta largo.
Unda como 90 empleado no a bay den SETAR N.V. y a surgi un disputa basta largo, caso tras
di caso y tabata na maart aña pasa, Huez a dicta na fabor explicitamente pa 30 empleado,
pero no a dicta p’e otro 60 empleadonan.

E empleadonan aki tabata representa pa dos sindicato y tabata na december 2016, SEPPA
hunto cu Prome Minister Mike Eman, Minister Mike de Meza y Richard Arends a yega na un
acuerdo di principio cu tur e 90 empleadonan lo wordo paga n’e mesun manera, incluyendo
e interes legal cu a core for di 2005.

Mester a busca aprobacion di Parlamento pa paga tur e 90 empleadonan
aki, y a haya esaki, unda a paga e suma di 2.5 miyon florin p’e 40 ex-
empleadonan pero tambe mester a paga e otro ex-empleadonan.
Como cu no ta SETAR ta paga, pero Gobierno, mester a haya aprobac-
ion di Parlamento y asina mester a haya un espacio den Presupuesto,
pa cual Richard Arends a gradici Minister di Finanza, mr. Angel
Bermudez, kende a logra haya 4 miyon florin.

Dia 4 di augustus ultimo,
e prome grupo di (30)
ex-empleadonan di SE-
TAR a cobra nan parti,
via di nan abogado y
ayera mainta, Minister
Richard Arends a firma e
ultimo decreto pa por paga
e otro 60 empleadonan.
Berdad a proceso a tuma
poco largo y pa final di e
siman aki tur cuenta lo ta
paga. Ta keda ainda 2 per-
sona, kendenan ta biba
den exterior, cu Gobi-
erno no tin nan datonan
completo, y 4 heredo cu
ainda mester haya un
verklaring di erfrecht, pa
por cumpli e pago n’e ex-
trahadornan di SETAR.