Page 3 - ARUBA BANK 24 OCT 2015

A8

riba cayaDiasabra 24 Oktober 2015

Chauffeur ta reverse y a
ocasiona accident

KUDAWECHA – Diahuebs anochi a sosode un
accidente. Esaki a wordo causa pa e chauffeur di un
pickup cu a reverse pa subi caminda.
Patruya policial a acudi na e sitio y a topa cu dos auto kibra
riba caminda. Nan a nota cu e chauffeur di e BYD cu tabata
bayendo pabou a dal contra e pickup cu tabata panort. E
pickup a reverse pa subi caminda y esaki a pone cu e chauffeur
di e BYD a brake di golpi, e auto a hala y a bay dal den trafico
contrario.q

Musica duro for di bar

PALM BEACH — Central a manda Polis di Noord pa
molester di musica duro. Na e sitio a resulta cu no ta di
e bar mes, pero di e luga priva cu ta un parti di e restau-
rant. Polis a mira masha hopi Chines rond di un mesa
cu tabata bebe alcohol. Polis a papia cu nan y a baha e
musica. Polisnan a bay bek pa controla 02.20 y a haya e
bar cera, pero tabatin musica ta sali for di e luga. Polis a
bolbe scual nan y a bisa nan cu nan lo haya boet si polis
mester bolbe bin.

Tripulante di barco deteni
pa buracheria

SAN NICOLAS — Durante patruya den Rembrand-
straat, Polis a haya un homber desconoci drumi riba
vloer y tabata fuertemente bou di influencia di alcohol.
E tabata for di tino. Relaciona cu esey, e homber M.P.J.C.
naci na Mexico cu ta tripulante di e barco Global Orion
Cruise Ship a keda deteni y hiba warda di San Nicolas,
unda el a keda presenta dilanti Fiscal. Ora cu a hinca e
homber den e compleho di cel, el a resisti y a cuminsa
sacudi y saca. Door di esey, personal di ambulance a bin
na e sitio. Supuestamente el a haya un venenamento
leve di alcohol. Pa mas o menos 04.20, el a keda cera pa
buracheria.

Ladronnan a drenta den
departamento di archief di

Aruba Bank

CAMACURI — Central a manda Polis na un adres na
Camacuri na e archief di Aruba Bank pa un kiebro. Na
e sitio, Polis a papia cu e manager di siguridad, kende ta
bisa cu ladronicia a tuma luga. Polis a cana hunto cu e
manager drenta den e edificio y a mira cu e glas di e ben-
tana parti pariba tabata kibra y nan a reboltia den e luga.
Nan a bay cu dos laptop. Patras den e edificio tabatin
un caha fuerte riba vloer cu tabata kibra. Desconocinan
a kibra e sistema di alarma di manera cu e no a activa.
Tambe nan a bay cu varios articulo di balor. Polis a tuma
e keho.