Page 13 - MIN.ttc sept 1,2015

22 AWEMainta Diamars, 1 September 2015

Manifestacionan
violento ta
PERHUDICA
turismo nos unico
pilar economico

SRA. Jennifer Arends-Reyes, den su calidad di Presidente di

Comision di Turismo ta lamenta profundamente e manifestacion
violento cu a tuma lugar dilanti edificio di Parlamento.
Nos ta biba den un pais democratico y tur hende tin derecho na
expresa nan pensamento.
Locual si ta di condena t’e hecho cu no ta mantene orden den e
organisacion y e participantenan ta causa destruccion y causa teror
riba caminda.

Pa motibo cu e manifestacion su caracter tabata asina violento e
caya, mall y restuarantnan mester a sera nan porta, ya cu nan no
por garantisa trankilidad mas pa nan cliente.
Perhudicando nos turismo y economia grandemente, tiendanan ta
perde benta, turistanan grandi y chikito no ta sinti nan mes sigur y
ta bay den panico y lo por opta pa no bin Aruba mas.
Un imagen cu hamas nos lo kier pa nos dushi isla haña
internacionalmente.

Trafico mester a desvia y e concentracion di turista cu tin den e area
tin cu experiencia momentonan di susto y tende tanto sirena di
Polis ta zona. Esaki no t’e manera pa sigui acepta manifestacionnan
asina y lidernan politico y sindical nunca tin cu apoya violencia,
destruccion y menasa entre bo mesun pueblo.
Specialmente lidernan politico cu ta haci yamado na nan
sostenedornan mester por controla nan manifestantenan y no
fomenta destruccion y menasa pa bida di hende.
Si wak e obhetonan cu a ser tira dor di bentananan ta obhetonan cu
si pa mala suerte a alcansa hendenan por keda seriamente herida,
incapacita of hasta perde nan bida.

Material ta drecha, pero cada bida ta valioso y cada persona tin un
famia ta resa pa nan yega sano y salbo bek nan cas.
Aruba no ta un pais cu ta conoci pa violencia asina y laga nos
refleciona y no ban sigui pone hende nan bida den peliger pa
metanan politico, segun Jennifer Arends-Reyes .
Nos turismo ta haña un imagen negativo y ta carga consecuencianan
pa tur e actonan violento aki.