Page 55 - Updated Newspaper Minister Michelle Hooyboer Winklaar
P. 55
De Haagse Hogeschool ta ofrece studiantenan dos “full
scholarship” pa atende “The Hague Summer School 2015”
on: Monday, June 8, 2015In: LocalNo Comments
Print Email
Dos studiante motiva di Universidad di Aruba lo tin e oportunidad unico pa ricibi un beca cu tur
gasto paga pa atende e “The Hague Summer School 2015” di De Haagse Hogeschool na luna di
Juli 2015. E Summerschool aki tin un duracion di 4 siman y lo conoce participacion di
studiantenan di tur parti di mundo. E beca aki ta cubri tur e gastonan di e programa, material,
acomodacion y vuelo. E oportunidad unico aki a presenta na Toronto Canada durante di e Higher
Education Mission cu Universidad y Hogescholen Hulandes y nos propio institutonan local a
forma parti di dje na fin di Mei ultimo. Aki ta unda cu Universidad di Aruba y De Haagse
Hogeschool tabata tin un bon intercambio y a yega na e acuerdo aki pa nos studiantenan di
Aruba.
Ambos Universidad di Aruba como De Haagse Hogeschool ta reconoce e importancia di
internacionalizacion y intercambio di studiante. Tur dos instituto a mustra un interes grandi pa
colabora na un manera mas estrecho cu otro y ta mira e iniciativa aki como un bon comienzo pa
sigui formaliza e colaboracion. De Haagse Hogeschool ta pone e participacion na e programa y
tambe acomodacion completamente gratuito pa dos di nos studiantenan mientras cu Universidad
di Aruba y Ministerio di Enseñansa lo cubri e gastonan di vuelo.
E iniciativa aki ta completamente den e liña di maneho y strategia di Universidad di Aruba y
Ministerio di Enseñansa pa stimula e parti di internacionalizacion cu ta inclui mas posibilidad di
intercambio di studiante, docente y tambe proyectonan conhuntamente cu partnernan
internacional. Ta reconoce e balor grandi cu internacionalizacion por hunga den formacion di nos
studiantenan den profesionalnan global y cu un bista mas amplio di sistemanan y desaroyonan
mundial. E aspecto aki ta un parti esencial di enseñanza superior moderno y dinamico ta
sumamente importante pa crea nos lidernan y profesionalnan di e siguiente generacion.
E Summer School di De Haagse Hogeschool ta ofrece un programa amplio cu lo trata diferente
topico y retonan actual y di importancia global manera pobreza, medio ambiente, polucion, crisis
economico. E programa ta consisti di modulonan manera: “Designing the Future; Changing
Entrepreneurship in Society”; “Security & Society”; “Designing a Digital Nation”; “Nudging
