Page 13 - MIN VOS

AWEMainta Diasabra, 8 Juli 2017 19

Presidente di AVB, Ing. Richard Dijkhoff

Veld di Estrella miho ilumina

awor cu bombionan nobo

E club di futbol S.V. Estrella a ricibi su bombionan p’asina
nan por ilumina e veld mas miho y nan por train miho den
oranan di atardi pa anochi. Directiva di S.V. Estrella tabata
contento di a ricibi e bombionan for di AVB conhuntamente
cu CONCACAF.

Como parti di e proyecto cu AVB ta eherciendo na yuda club-
nan cu algun bombio. AVB tabatin contacto cu CONCACA,
unda cu a splica nan rib’e necesidad cu clubnan tin na Aruba
pa bombio ya cu cada bombio ta costa placa. Presidente di
AVB, Ing. Richard Dijkhoff a indica cu CONCACAF a bay di
acuerdo pa yuda e clubnan.

A toca turno di S.V. Estrella pa ricibi bombionan, unda cu
tabatin diferente bombio pa cambia. AVB y S.V. Estrella
hunto cu brandweer a cambia e bombionan. Hopi biaha ta
haci uzo di veld di Estrella y awo e tin bon iluminacion. E
muchanan por hunga bala trankil, pasobra tin luz y claridad
un biaha mas y nan por sigui practica e deporte di futbol cu ta
e deporte rey na Aruba.

Presidente di S.V. Estrella, Gilbert Raven hunto cu e directiva
ta contento y gradici di a ricibi e bombionan.
“Desde hopi tempo e veld di Estrella tabatin bombionan kima.
CONCACAF y AVB a dicidi di duna un man y nos ta hopi
contento cu e iluminacion t’ey bek”, Gilbert Raven a expresa
contento.