Page 11 - MIN ON

Minister Hooyboer-Winklaar Ta Contento Pa Anuncia:
A Extende Acuerdo Cu St. Mary’s College Of
Maryland Pa 5 Aña Mas

 Local
- 25/04/2017

Minister Hooyboer-Winklaar ta contento pa anuncia cu Gobierno di Aruba a reanuda e
acuerdo cu St. Mary’s College di Maryland pa 5 aña mas.
Na comienso di 2016, e titular di enseñansa a formalisa un acuerdo cu e instituto aki cu ta
inclui diferente incentivo special pa nos studiantenan di Aruba. Entre nan un scholarship
special y tambe descuento riba gastonan di estudio pa tur studiante cu ta cumpli cu e
average di puntacion stipula den e acuerdo.

St. Mary’s College ta un instituto di enseñansa superior cu ta keda den e estado di
Maryland y tur programa e College ta ofrece ta acredita como “honors”.
Minister di Enseñansa Michelle Hooyboer-Winklaar, despues di follow up riba
combersacionnan di un bishita na Maryland na comienso di 2016 a logra cera e acuerdo
special y awo a logra extende pa un periodo mas largo di cooperacion.