Page 45 - MIN.ON APRIL 22

Mireille Sint Jago (Maestra): SIMAR; rip of cpr?

Wednesday, 22 April 2015 09:29

Comparti

Ayera e reunion anual di miembro di SIMAR (JALV) a tuma lugar. Un di e prome cosnan cu a wordo pidi,
tawata pa tene informacion cu lo wordo comparti durante e reunion, entre nos, como miembronan.

Mi a scohe pa no haci esaki, cu tur concequencia cu e lo tin pa mi como miembro, pasobra mi sindicato, pa
mas cu 10 aña, ta 'meer dood dan levend'. Ademas, Directiva Lazo-Tromp a bisa cu nan database no ta up
to date, pues e ta dificil pa nan informa tur miembro door di manda nan un email. Aparte di esey, e
mayoria di e grupo di meta cu mi kier yega na dje, no ta miembro di SIMAR (mas). P'esey mi kier dedica
mi tempo na comparti mi observacionnan y pensamentonan pa alerta tur (futuro) maestro, cu e futuro di
e sindicato di maestro: SIMAR, mester di bo!

Por garantisa cu SIMAR ta traha pa e derechonan di maestronan?
Esey ta un pregunta crucial, pasobra con nos por bisa cu SIMAR tin derecho pa existi, si cu aunque casi
AWG 60.000 ta wordo gasta na personal anual, pero e no ta logra mantene un bestand di apenas 600
miembro? Si SIMAR no por convenci of atrahe e maestronan hoben pa bira miembro? Si solamente 2% di
e miembronan ta acudi na un JALV (12 total di cual 4 miembro ta forma parti di e directiva actual). Si ta
parti e Presupuesto pa 2015 riba e mesun anochi cu ta trat'e? Si na momento di aproba presupuesto di
2015, ta solamente 8 miembro ta presente ainda (cual 4 ta miembro di Directiva)? Pero tambe, si den e
presupuesto tin pon'i cu a presupuesta mas cu 70% mas, na gastonan di Utillities compara cu 2014? Si ta
scohe pa no sigui traha cu CATC, pasobra nan kier baha gasto, caminda ta net e asunto di placa mester
wordo controla mas estricto? Con por garantisa cu SIMAR ta traha pa e derechonan di maestronan, si e
mesun hende cu ta yuda nan cu e Jaarverslag ta esun cu a firma e carta di e maestra di Kudawecha como
Hoofd di DPS? E ta necesario pa un Sindicato tambe, pa e no mustra ningun 'schijn van partijdigheid'? Si
SIMAR no ta yama un welga nacional, ni pa un dia, ora cu tin dos caso grave di abuso di maestro den
apenas algun siman?

Esey ta locual nos mayornan a bringa p'e?
Por ta nos mayornan a lucha den un tempo cu tawata tin necesidad di seguridad laboral y union. Cu awor
cu tur cos ta regla, no mester di e organo aki mas? E ora ey, como un 'natuurlijk verloop' e sindicato aki lo