Page 9 - BRANDWEER

BRANDWEER
http://www.24ora.com/policial-mainmenu-8/92568-candela-na-tamarijn-a-laga-un-hende-levemente-
herida

Candela na Tamarijn a laga un hende levemente herida

Thursday, 05 March 2015 21:27
Comparti

Candela den un apartamento na Tamarijn a laga un habitante herida. Polis a wordo manda cu urgencia y
tambe bomberonan pa un cas. E prome informe tabata cu tin un cas na candela cu hende den dje.
Ora polis a yega e habitantenan a domina e candela. A resulta cu un persona tabata levemente herida. A
pidi pa unidad di ambulance pa presenta. E tabata tin un corta parce. Tambe bomberonan a yega y mas
bien a mira e situacion. Polis a pidi pa recherche na prome instante pero despues di un investigacion
chikito di bomberonan a descubri e origen di e candela. Un corto circuito den dak a causa e candela.

http://masnoticia.com/kortsluiting-a-causa-cu-cuarto-di-palo-a-pega-na-candela/

Kortsluiting a causa cu cuarto di palo a pega na
candela

· Mar 5th, 2015
· Policial, Splash

Algun extension di coriente riba un dak di zink a causa un kortsluiting y aki un cuarto di palo a pega
candela na un cas na Tamarijn diahuebs anochi. A mobilisa tanto brandweer y polis cu urgencia pa e
sitio, na yegada di unidad di bombero a constata cu e habitantenan a logra domina e candela. Por a
constata cu tur loke cu tabatin den e cuarto di palo a keda kima pa cu e candela. Ambulance tambe a
keda solicita y a presenta na e sitio pa un persona cu un corta na su brasa banda robes. OVD di Cuerpo
di Bombero tambe a yega na e sitio pa haci nan investigacion.