Page 30 - MIN.JUS MRT 20,2015

Ministro Dowers a scucha preocupacion di habitantenan di
Mabon

Publication: Friday, 20 March 2015. Categoria: General

ORANJESTAD (AAN): E siman aki Minister di Husticia Arthur Dowers a sigui cu su bishita
den barionan unda cu a keda constata cu actonan delictivo a bira un problema grandi pa e
habitantenan.
Despues di un reunion teni, e.o. cu habitantenan di Pos Chiquito y Sabana Basora, e titular di
husticia a cuminsa drenta e barionan pa papia cu e habitantenan y scucha cual ta tur e
problemanan cu ta afecta nan. E siman aki e mandatario tabata di bishita den e compleho di
casnan di FCCA na Mabon, cu ta uno basta grandi.
Den e bishitanan e discusionnan ta concentra riba temanan cu tin di haber cu siguridad y forma
di biba, con e barionan ta hinca den otro y e mandatario a bin constata algun decadencia den e
condicion di bida, e medio ambiente y parti social. “Nos a worde compaña pa trahadonan di
SERLIMAR pa cual nos kier gradici e departamento pa e cooperacion cu a ricibi ultimo tempo.
Nan a yuda nos haci un area cerca di flat di apartamento limpi, unda cu tin un post di Polis. Den
cierto sentido, e teritorio a worde tuma back despues cu el a worde haci un dump publico, un
caminda cu nan ta sinta y haci cosnan cu no ta cuadra cu respet cu mester existi den un bario.
Nos ta spera di tin e area completamente limpi pa den algun dia reestablece back e servicio di
Polis y percura cu e area ta keda mantene limpi.”
Na momento cu e mandatario tabata canando, el a worde acerca door di diferente habitante
kendenan a trece nan preocupacion di loke ta pasando den e bario. Ta trata aki den su mayoria
hendenan hoben cu kisas, e mandatario ta kere, no ta worde coregi door di mayornan y ta
terorisando e bario. No solamente ta tumando luga cantidad di robo, tin biaha di cosnan chikito,