Page 31 - MIN JUS - JUNI 3, 2015

Awa di wc a invadi sala di recreacion na KIA

Publication: Wednesday, 3 June 2015. Categoria: General
TOPA: Minister Dowers no a haci nada riba preocupacion di trahadonan na KIA

ORANJESTAD (AAN) Mainta a habri cu sorpresa na KIA, no di e prisoneronan pero for di e
trahadonan. Un grupo di empleado di KIA a bay den accion di protesta contra maneho di e
director nobo di KIA. E instituto no ta facil pa maneha, prinsipalmente na momento cu pa
anjanan largo a traha cu hopi flexsibilidad. Tin varios punto cu mester stuctura y cambia den
KIA y esaki poco poco e director actual ta implimenta.
Na e sitio tabata presente e Presidente di e sindicato TOPA cu ta representa e trahadonan di KIA,
esta Rene Bernabela, kende a splica cual ta e motibo di e accion aki.
No por otro, segun Bernabela, ya cu e trahadonan di KIA awor si a fada ya cu despues di casi
luna cu a surgi problema na KIA entre trahadonan y e persona encarga cu maneho nada no a
wordo soluciona. Ta trata di diferencia di opinion cu ta existi riba regla y condicionnan nobo di
trabou cu a wordo introduci door di e director Trudy Hassell. Bernabela a menciona e puntonan
di ziektemelding, BH, screening na yegada di trahadonan. A tuma nota cu algun di e
problemanan a wordo soluciona pero enbes cu a debolbe trankilidad na e instituto penitenciario a
constata cu e directora, segun Presidente di TOPA, a cuminsa un heksen jacht riba e trahadonan.
Si antes a wordo bisa cu ta bay concentra riba control di ziektemelding di un grupo di trahado so,
awor esaki ta wordo haci riba tur e trahadonan di KIA. Awor ta asina cu cualkier empleado cu
meld ziek mester wordo reporta na e directora, cu ta algo cu TOPA ta haya un ridicules grandi.
Despues di e mal tempo cu TOPA a pasa cu e director anterior cu nan a considera cu e no ta sirbi
pa nada, a spera cu Gobierno lo a nombra un persona cu si por bay maneha e instituto aki cu tur
su problema manera debe ser, pero esaki no ta e caso. “Nos a spera un maneho un profesional, y
no loke cu nos ta experenciando aworaki, cu ta un situacion di caos, mucho mas pio cu e director
anterior tabata asumi.”
TOPA, despues di dos luna y diferente carta manda sin cu ta mira un solucion, a dicidi di tuma
un posicion pa cu e situacion reinante den KIA. Principalmente pasobra nan no a ricibi ningun
reaccion di Minister di Husticia Arthur Dowers pa un solucion. Pesey sindicato TOPA hunto cu