Page 59 - Flip

Aruba bon representa den e convencion aereo EBACE na
Suiza

Tuesday, 19 May 2015 16:39
Comparti

Aruba ta wordo representa na e momentonan aki na e European Business Aviation Convention &
Exhibition (EBACE) na Ginebra, Suiza, unda cu tin diferente persona interesa den e Registry of Aruba.
Minister Otmar Oduber, kende ta na e convencion hunto cu The Registry of Aruba y expertonan den e
ramo di aviacion, a duna di conoce cu nos isla ta hopi bon representa na EBACE, cu ta un di e
conferencianan mas grandi di aerolineanan y avionnan pa loke ta e parti di registracion.
Durante e convencion aki por mira presencia di tur compania grandi manera ta Boeing, Airbus
y Gulfstream.
Por mira cu a booth di Aruba ta hayando hopi atencion y ta wordo bishita dor di diferente persona cu ta
mustrando nan interes den registra cu e Registry of Aruba, cual ta conociendo un crecemento atrobe
despues di basta aña di tabata stagna na nivel mundial.
Minister Otmar Oduber ta sumamente positivo relaciona cu e desaroyo di e convencion aki y e
resultadonan cu e por trece pa nos isla.

http://www.24ora.com/politica-mainmenu-18/95310-aruba-bon-representa-den-e-convencion-aereo-
ebace-na-suiza